നീചസ്ഥിതസ്യ ഹി ദശാ വിപദം മഹാർത്തിം
ക്ലേശാർത്ഥദുഃഖവനവാസമഹാഭയം ച
കാരാഗൃഹം നിഗളമേത്യരി ചോരപീഡാം
രാജ്ഞോ ഭയം സുതവധൂവിരഹം പ്രവാസം.
സാരം :-
നീചത്തിൽ (വൃശ്ചികം രാശിയിൽ) നിൽക്കുന്ന ചന്ദ്രന്റെ ദശാകാലം അനേകവിധത്തിലുള്ള ആപത്തും രോഗദുഃഖങ്ങളും ക്ലേശവും വനവാസവും മരണഭയവും കാരാഗൃഹവും ബന്ധനവും ശത്രുക്കളിൽനിന്നും കള്ളന്മാരിൽ നിന്നും രാജാവിൽനിന്നും ഭയവും കളത്രപുത്രവിരഹവും അന്യദേശവാസവും സംഭവിക്കും.
മേൽപ്പറഞ്ഞ ഫലങ്ങൾ പരമനീചത്തിൽ നിൽക്കുന്നത് ചന്ദ്രനുള്ളതാണ്.