കുടിയിരിപ്പ് വിധാനത്തിലുള്ള കാവുകളിൽ പടഹാദികളായ ഉത്സവമാണ് നടത്തേണ്ടത്. അങ്കുരാദിയോ, ധ്വജാദിയോ അല്ല. അതിനാൽ ഉത്സവകാലത്ത് കൊടിനാട്ടുന്ന സമ്പ്രദായമായിരുന്നു ഉണ്ടായിരുന്നത്. അതുമാത്രമേ ആവശ്യമുള്ളൂ. കൊടുങ്ങല്ലൂർ, പിഷാരികാവ് തുടങ്ങിയ കാവുകളിൽ ഒന്നും കൊടിമരം ഇല്ലെന്ന കാര്യവും അറിഞ്ഞിരിക്കണം. ചുറ്റമ്പലവും വലിയ ബലിക്കലും ഇല്ലാത്ത കാവുകളിൽ കൊടിമരത്തിന്റെ ആവശ്യമേയില്ല. വർഷത്തിൽ ഒരിക്കൽമാത്രം ആവശ്യമായി വരുന്നതാണ് കൊടിമരം. അതിനുവേണ്ടി വലിയ ചിലവ് ചെയ്ത് കൊടിമരം സ്ഥാപിക്കേണ്ടതില്ല. ഷഡാധാരപ്രതിഷ്ഠയുള്ള ക്ഷേത്രങ്ങളിൽ നടത്തുന്ന ബലിക്രമങ്ങളൊക്കെ കൊടിമരത്തിനും ആവശ്യമുണ്ട്. എന്നാൽ ശ്രീകോവിലിൽ കുടിയിരിപ്പ് വിധാനം ഉണ്ടായിരിക്കെ അതിനേക്കാൾ മഹത്വവൽക്കരിച്ചുകൊണ്ട് കൊടിമരപ്രതിഷ്ഠ ചെയ്യുന്നത് യുക്തമല്ല.
. . ഹരിശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ നവഗ്രഹേഭ്യോ നമഃ . .
