ഇവിടെ രണ്ടുതരത്തിലുള്ള തെറ്റ് അന്തർഭവിച്ചിരിക്കുന്നു. ഒന്നാമതായി ദേവങ്കലേയ്ക്ക് സമർപ്പിച്ച ദ്രവ്യം അപഹരിച്ച് ദേവനെ വഞ്ചിക്കുന്നു. രണ്ടാമതായി ദേവചൈതന്യത്തിലേക്ക് വിലയം പ്രാപിക്കേണ്ടതായ ജന്തുജീവനെ അതിന് അനുവദിക്കാതെ വീണ്ടും പൈശാചിക ഭാവത്തിലേയ്ക്ക് തള്ളിവിടുന്നു. ക്ഷേത്രത്തിൽ സമർപ്പിക്കപ്പെട്ട ജന്തുവിനെ വിറ്റാൽ ആ ജന്തു ദീർഘായുസ്സോടെ ജീവിക്കുന്നില്ല പകരം തീറ്റക്കൊതിയന്മാരായ ചിലർ യാതൊരുവിധ മന്ത്രസംസ്കാരവും കൂടാതെ പൈശാചിക ഭാവത്തിൽ ഇതിനെക്കൊന്ന് ഭക്ഷിക്കുന്നു. ഇത് ഈ ജീവിയുടെ ഉദാത്തമായ ഗതിയെ തടസ്സപ്പെടുത്തുന്നു. അതിനാൽ ദേവനോടും ബലിമൃഗത്തിനോടും നീതിപുലർത്താത്ത അവസ്ഥയാണ് ഇത്. അവയെ വിറ്റുകിട്ടുന്ന ധനം മറ്റുകാര്യങ്ങൾക്ക് ഉപയോഗിക്കുന്ന പാപം ക്ഷേത്രഭരണാധികാരികൾക്കുമുണ്ടാവും.
. . ഹരിശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ നവഗ്രഹേഭ്യോ നമഃ . .
