രാശികളുടേയും " നവാംശക " രാശികളുടേയും അധിപന്മാരേയും കുറിച്ച് എന്ന പോസ്റ്റിന്റെ തുടര്‍ച്ചയാണ് താഴെ കൊടുത്തിരിക്കുന്നത്. ഇവിടെ ക്ലിക്ക് ചെയ്യുക.
ദ്വാദശാംശകം, ദ്രേക്കാണം, ഹോര
സ്വഗൃഹാദ് ദ്വാദശഭാഗഃ
ദ്രേക്കാണാഃ പ്രഥമപഞ്ചനവപാനാം
ഹോരേ വിഷമേƒര്‍ക്കേന്ദ്വാഃ
സമരാെശൗ ചന്ദ്രതീക്ഷ്ണാംശ്വോഃ
ദ്വാദശാംശകം
ഓരോ രാശിയും പന്ത്രണ്ട് ഭാഗമാക്കിയാല്‍ അതില്‍ ഒരു അംശത്തേയാണ് " ദ്വാദശാംശകം " എന്ന് പറയുന്നത്. അവ അതാത് രാശിയില്‍ നിന്ന് തന്നെ തുടങ്ങുകയും ചെയ്യും.
ഉദാഹരണം :-
മേടം രാശിയുടെ ഒന്നാമത്തെ ദ്വാദശാംശകം മേടത്തിലും, ഒടുവിലത്തെ അംശകം മീനത്തിലുമാണ്. ഇടവത്തിന്റെതാകുമ്പോള്‍ ഇടവം തുടങ്ങി മേടം അവസാനിക്കും. ഇപ്രകാരം മറ്റ് രാശികളുടെ ദ്വാദശാംശകങ്ങളേയും അറിയേണ്ടതാകുന്നു. - ദ്വാദശാംശകാധിപന്മാരും മേഷാദിരാശ്യാധിപന്മാര്‍ തന്നെയുമാകുന്നു.
ദ്രേക്കാണം
ഓരോ രാശിയുടേയും മൂന്നില്‍ ഒരു ഭാഗത്തെയാണ് " ദ്രേക്കാണം " എന്ന് പറയുന്നത്ത്‌. ഏതു രാശിയുടേയും ആദ്യദ്രേക്കാണത്തിന്റെ അധിപന്‍ അതാതു രാശിയുടെ അധിപനും, രണ്ടാമത്തേതിന്റെ അധിപന്‍ ആ രാശിയില്‍ നിന്ന് അഞ്ചാംരാശിയുടെ അധിപനും, ഒടുവിലത്തേതിന്റെ അധിപന്‍ ഒമ്പതാംരാശിയുടെ അധിപനുമാകുന്നു.
ഹോര
ഓരോ രാശിയുടേയും പകുതി ഭാഗത്തേയാണ് " ഹോര " എന്ന് പറയുന്നത്. മേടം, മിഥുനം, ഇങ്ങനെ ഒറ്റപ്പെട്ട രാശിയിലെ ആദ്യഹോരയുടെ അധിപന്‍ സൂര്യനും, രണ്ടാംഹോരയുടെ അധിപന്‍ ചന്ദ്രനുമാകുന്നു. നേരെ മറിച്ച്, ഇടവം, കര്‍ക്കിടകം, ഇങ്ങനെ ഇരട്ടപ്പെട്ട രാശികളില്‍ ആദ്യഹോരാധിപന്‍ ചന്ദ്രനും, രണ്ടാംഹോരാധിപന്‍ സൂര്യനുമാകുന്നു.
ത്രിംശാംശകങ്ങളും അധിപന്മാരും എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.
ത്രിംശാംശകങ്ങളും അധിപന്മാരും എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.
