ബുധന്‍ കറുത്തവനും സുന്ദരനും വിദ്വാനും ചന്ദ്രസുതനും ശാന്തഗുണവാനുമാണ്. ഈ ദിവസം ശരീര -വസ്ത്ര -വാക്ക് - ചിന്താശുദ്ധിയോടെ വ്രതമനുഷ്ഠിക്കുന്നവര്‍ പച്ചനിറത്തിലുള്ള സാധനങ്ങള്‍ ഉപയോഗിക്കുന്നതും ദാനംചെയ്യുന്നതും വിശേഷമാണ്. ബുധനാഴ്ച ജനിക്കുന്ന കുട്ടികള്‍ക്ക് പിതാവിനേക്കാള്‍ ശ്രേഷ്ഠത കൂടുമെന്നാണ് വിശ്വാസം. അതിനാല്‍ സ്ത്രീകള്‍ പുണ്യസന്താനങ്ങള്‍ ജനിക്കാന്‍ ബുധനാഴ്ചവ്രതം നോല്‍ക്കാറുണ്ട്. ഒരിക്കലൂണ് നിര്‍ബ്ബന്ധമാക്കി വ്രതമനുഷ്ഠിക്കുന്നവര്‍ ആ ദിവസം വടക്കോട്ട് യാത്ര ചെയ്യുന്നത് നിഷിദ്ധമായി കരുതിപ്പോന്നു. അതില്‍ അല്‍പ്പം ശാസ്ത്രസത്യമാണുള്ളത്. ദക്ഷിണധ്രുവത്തില്‍നിന്നും ഉത്തരധ്രുവത്തിലേക്ക് സഞ്ചരിക്കുന്ന കാന്തികശക്തി ഉപവാസം അനുഷ്ഠിക്കുന്ന വ്രതക്കാരനെ ദോഷകരമായി ബാധിക്കുന്നതാണ് കാരണം.
. . ഹരിശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ നവഗ്രഹേഭ്യോ നമഃ . .
