ശാക്തേയന്മാർ ധ്യാനിക്കുന്നത് യോഗിനിയും യോഗേശ്വരിയും യോഗഭയങ്കരിയുമായ ദേവിയെയാണ്. യമ നിയമ ആസന പ്രാണായാമ പ്രത്യാഹാര ധാരണാ ധ്യാന സമാധികളാകുന്ന അഷ്ടാംഗയോഗം തന്നെയാണ് ഇത്. നിരന്തര മന്ത്രാനുസന്ധാനത്തിലൂടെ സുഷുമ്നാനാഡിയുടെ കീഴറ്റത്ത് മൂലാധാരത്തിൽ ശയിക്കുന്ന കുണ്ഡലിനീ ശക്തിയെ ഉണർത്തി സ്വാധിഷ്ഠാനം, മണിപൂരകം, അനാഹതം, വിശുദ്ധി, ആജ്ഞ എന്നിങ്ങനെയുള്ള ഷഡാധാരങ്ങളെയും ഭേദിച്ച് സഹസ്രാരപത്മത്തിൽ അധിവസിക്കുന്ന പരമശിവതത്വവുമായി സംയോഗം ചെയ്യുന്ന പ്രകൃതിതന്നെയാണിത്. അപ്പോൾ സഹസ്രാരത്തിൽനിന്ന് നിർഗ്ഗളിക്കുന്ന അമൃതവർഷത്തെ ആസ്വദിച്ച് യോഗീശ്വരന്മാർ നിത്യാനന്ദനിർവൃതിയിൽ ലയിക്കുന്നു.
. . ഹരിശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ നവഗ്രഹേഭ്യോ നമഃ . .
