അഷ്ടമംഗലഖേടാനാം
പാപദൃഗ്യോഗസങ്കുലേ
തത്തദ് ഗ്രഹോക്തേഷ്വംശേഷു
ദോഷം ദേവസ്യ നി൪ദ്ദിശേദ്.
ദേവപ്രശ്നത്തില്‍ അഷ്ടമംഗലഗ്രഹങ്ങള്‍ക്കു ഏതേതു പാപഗ്രഹങ്ങളുടെ ദൃഷ്ടിയും യോഗവും ഉണ്ടോ ആ അഷ്ടമംഗലഗ്രഹങ്ങള്‍ക്ക്‌ വിധിച്ചിട്ടുള്ള ദേവബിംബത്തിലെ അംഗങ്ങളില്‍ ദേവബിംബത്തിനു ദോഷമുണ്ടെന്നു പറയണം.
******************************
കക്ഷി൪വക്ഷഃ ശിരോ ബാഹു-
൪ജ്ജഘനം മുഖമുരു ച
പാദശ്ചാംഗാനി സൂ൪യ്യാദി
രാഹുപ൪യ്യന്തമിഷ്യതേ
സാരം :-
വയറ്, മാറിടം, ശിരസ്സ്‌, കൈകള്‍, അരകെട്ട്, മുഖം, തുട, പാദം എന്നിങ്ങനെ ക്രമത്തില്‍ സൂര്യാദി രാഹുപ൪യ്യന്തമുള്ള ഗ്രഹങ്ങളെക്കൊണ്ട് അംഗകല്പന ചെയ്തിരിക്കുന്നു.
