യുഗം, ഗോളകം എന്നീ രണ്ടു യോഗഫലത്തേയും ഈ നാഭസയോഗങ്ങളുടെ ഫലാനുഭവകാലാദികളേയുമാണ്‌ പറയുന്നത്

ധനവിരഹിതാഃ പാഷണ്ഡീ വാ യുഗേ ത്വഥ ഗോളകേ

വിധനമലിനോ ജ്ഞാനാപേതഃ കുശില്പ്യടനോƒലസഃ

ഇതി നിഗദിതാ യോഗാസ്സാർദ്ധം ഫലൈരിഹ നാഭസാ

നിയതഫലദാശ്ചിന്ത്യാ ഹ്യേതേ സമസ്തദശാസ്വപി.

സാരം :-

 യുഗയോഗജാതൻ വലിയ ദരിദ്രനോ അഥവാ ശ്രുതിസ്മൃത്യാദ്യുക്തമാർഗ്ഗങ്ങളിൽ നിന്ന് ഭ്രഷ്ടനോ ആകുന്നതാണ്. 

ഗോളയോഗജാതൻ ദരിദ്രനും ദേഹവസ്ത്രാദികളിൽ മാലിന്യയുക്തനും അറിവില്ലാത്തവനും കുത്സിതശില്പപ്പണികൾ ചെയ്യുന്നവനും ഒരു പണിക്കും പ്രാപ്തിയില്ലാത്തവനും സദാ സഞ്ചാരശീലനുമായിത്തീരും.

ഇങ്ങനെ ഈ അദ്ധ്യായം കൊണ്ടു 32 നാഭസയോഗങ്ങളും അവയുടേയെല്ലാം ഫലങ്ങളും പറയപ്പെട്ടു. ഈ നാഭസയോഗങ്ങൾ എല്ലാറ്റിന്റേയും ഫലങ്ങൾ സകല ദശകളിലും തീർച്ചയായും അനുഭവപ്പെടുന്നതുമാണ്.