നീചാംശകകശനിദായേ
നീചാചാരേണ ജീവനം കുരുതേ
സർവ്വേഷാം പ്രേഷ്യത്വം
സൂതദാരൈർവ്വിഗ്രഹം തഥാ ദുഃഖം.
സാരം :-
നീചാംശകത്തിൽ നിൽക്കുന്ന ശനിയുടെ ദശാകാലം നീചവൃത്തികൊണ്ടു ധനവും ഉപജീവനവും ലഭിക്കുകയും എല്ലാപേർക്കും ഭൃത്യപ്രവൃത്തിചെയ്കയും പുത്രന്മാരോടും ഭാര്യയോടും കലഹിക്കുകയും ദുഃഖമേറിയിരിക്കുകയും ചെയ്യും.
എല്ലാ ഗ്രഹങ്ങളും നീചത്തിൽ നിന്ന് ഉച്ചാംശകം ചെയ്‌താൽ ശുഭവും ശനി അപ്രകാരം ആയാൽ ഫലം അശുഭവുമായിരിക്കും. "നീചരാശിഗഗതോ മന്ദഃ സോച്ഛാംശകസമന്ന്വിതഃ ദശാദൌ ദുഃഖമാപാദ്യദശാന്തേ കഷ്ടതാം വ്രജേൽ. ഉച്ചരാശിഗതോ മന്ദോ നീചാംശകസമന്ന്വിതഃ ദശാദൗ സുഖമാദായ ദശാന്തേ കഷ്ടദോ ഭവേൽ" എന്നും പ്രമാണമുണ്ട്.
