യൂപം, ഇഷു, ശക്തി, ദണ്ഡം എന്നീ യോഗഫലങ്ങൾ

ത്യാഗാത്മവാൻ ക്രതുവരൈര്യജതേ ച യൂപേ

ഹിംസ്രോതിഗുപ്ത്യധികൃതഃ ശരകൃച്ഛരാഖ്യേ

നീചോലസസ്സുഖധനൈർവ്വിയുതശ്ച ശക്തൌ

ദണ്ഡേ പ്രിയൈർവ്വിരഹിതഃ പുരുഷോƒന്ത്യവൃത്തിഃ

സാരം :-

യൂപമെന്ന യോഗസമയത്തു ജനിച്ചവൻ ദാനശീലനും അപ്രമത്തനും യാഗകർമ്മങ്ങളെ നല്ലവണ്ണം അനുഷ്ഠിക്കുന്നവനും ആയിരിക്കും. 

ഹിംസാതാല്പര്യം, ജയിൽ മുതലായ ബന്ധനഗൃഹത്തിന്റെ ആധിപത്യം മുതലായി ഹിംസാർത്ഥമുള്ള ആയുധനിർമ്മാണം, എന്നിവ ശരയോഗജാതന്റെ (ഇഷു) അനുഭവമാകുന്നു.

ശക്തി എന്ന യോഗത്തിൽ ജനിച്ചാൽ സ്വകുലോചിതമല്ലാത്ത അധമകർമ്മങ്ങളെ അനുഷ്ഠിക്കുന്നവനും ഒരു പ്രവൃത്തിക്കും സാമർത്ഥ്യമില്ലാത്തവനും സുഖം ധനം ഇതുകളില്ലാത്തവനുമായിരിക്കും.

ദണ്ഡയോഗജാതൻ പുത്രമിത്രകളത്രാദി ഇഷ്ടജനങ്ങളോടു വേർപെട്ടവനും പറയൻ, നായാടി തുടങ്ങിയുള്ള ഹീനകുലജന്മാരുടെ പ്രവൃത്തികളോടു തുല്യകർമ്മങ്ങൾ ചെയ്യുന്നവനുമാകുന്നു.