ഗജം (ആന)

  ആഗമനത്തിന്റെയും പ്രപഞ്ചോല്‍പ്പത്തിയുടെയും പ്രതീകമായിട്ടാണ്‌ ഗജം അഥവാ ആന കണക്കാക്കപ്പെടുന്നത്. " ഗജം " എന്നത് സംസ്കൃത നാമമാണ്. മഹാശക്തിയാണ് ഈ മൃഗത്തില്‍ നിന്നും ലഭ്യമാകുന്നത്. അതുകൊണ്ട് തന്നെയാണ് ആദിപൂജക്കര്‍ഹനായി കണക്കാക്കുന്ന ഗണപതി ഭഗവാന്റെ മുഖം ആനയുടെ രൂപത്തില്‍ സങ്കല്‍പ്പിക്കപ്പെടുന്നതും. രാജകീയവും പ്രൌഡി വിളിച്ചോതുന്നതുമായ ആന പുരാണേതിഹാസങ്ങളില്‍ ലോപമില്ലാതെ വര്‍ണ്ണിക്കപ്പെട്ടിട്ടുള്ള ഒരു മൃഗമാണ്‌.