അമിതായുർല്ലക്ഷണം

ഗുരുശശിസഹിതേ കുളീരലഗ്നേ

ശശിതനയേ ഭൃഗുജേ ച കേന്ദ്രയാതേ

ഭവരിപുസഹജോപഗൈശ്ച ശേഷൈ-

രമിതമിഹായുരനുക്രമാദ്വിനാ സ്യാൽ.

സാരം :-

ജനനകാലോദയലഗ്നം കർക്കടകം രാശിയാവുകയും, ആ ലഗ്നത്തിൽ ഗുരുചന്ദ്രന്മാർ നിൽക്കുകയും ചെയ്ക, ബുധശുക്രന്മാർ ലഗ്നകേന്ദ്രത്തിലും,ശേഷമുള്ള സൂര്യകുജമന്ദന്മാർ ലഗ്നാൽ 3 - 6 - 11 എന്നീ ഭാവങ്ങളും നിൽക്കുക; ഈ യോഗമുള്ള സമയത്താണ് ജനനമുണ്ടായതെങ്കിൽ അയാളുടെ ആയുസ്സിനെ ആയുർദ്ദായദശകൊണ്ടും മറ്റും കണക്കാക്കുവാൻ കഴിയുന്നതല്ല. ആയുർദ്ദായഗണിതപ്രകാരം ഏറ്റവും അധികമായാൽകൂടി എത്ര സംവത്സരം കിട്ടുമോ അതിലും വളരെ അധികകാലം അയാൾ ജീവിച്ചിരിയ്ക്കുമെന്നു പറയണം.