ഭൌമക്ഷേത്രബുധോ ജ്വരോ ഭൃഗുഗൃഹേ ഗന്ധര്‍വ ഏഷഃ സ്വഭേ
ഗന്ധര്‍വ്വോƒപിച കിന്നരോപി ഹിമഗോരംഭഃ പിശാചോ ഗൃഹേ,
സിംഹേ പന്നഗകന്യാകാ, ഗുരുഗൃഹേ രുഷ്ടദ്വിജപ്രേരിതാ
ചാമുണ്ഡീ, കവചീ പിശാചയുഗമാഘാതാശ്രിതാ മന്ദഭേ.
ബുധന്‍ മേടത്തിലോ വൃശ്ചികത്തിലോ നിന്നാല്‍ ജ്വരത്തിന്‍റെ ദേവതയെ പറയണം.
ബുധന്‍ ഇടവത്തിലോ തുലാത്തിലോ നിന്നാല്‍ ഗന്ധര്‍വ്വനെയാണ് പറയേണ്ടത്.
ബുധന്‍ മിഥുനത്തിലോ കന്നിയിലോ നിന്നാല്‍ ഗന്ധര്‍വ്വനേയും കിന്നരനേയും പറയണം.
ബുധന്‍ കര്‍ക്കിടകം രാശിയില്‍ നിന്നാല്‍ ജലസഞ്ചാരികളായ പിശാചുകളെ പറയണം.
ബുധന്‍ ചിങ്ങം രാശിയില്‍ നിന്നാല്‍ നാഗകന്യകകളെയും പറയണം.
ബുധന്‍ ധനു രാശിയിലോ മീനം രാശിയിലോ നിന്നാല്‍ ഒരു ബ്രാഹ്മണന്‍ കോപിച്ചു ഒരു ചാമുണ്ഡിയെ അയച്ചിരിക്കുന്നു എന്ന് പറയണം.
ബുധന്‍ മകരം രാശിയിലോ കുംഭം രാശിയിലോ നിന്നാല്‍ യുദ്ധഭൂമിയില്‍ നിവസിക്കുന്ന കവചിശൂലപിശാചന്‍ എന്നിവരെ പറയണം.
