വീടുകളിലും മറ്റും വിശേഷാവസരങ്ങളില്‍ മാവില തോരണം കെട്ടുന്നതായി കാണാം. ക്ഷേത്രത്തിലെ കര്‍മ്മങ്ങള്‍ക്കും മാവിലയുടെ ഉപയോഗം ധാരാളമായിയുണ്ട്. "ആലും മാവും കെട്ടുക" എന്ന ഒരു ചടങ്ങുതന്നെ ക്ഷേത്രകര്‍മ്മങ്ങളില്‍ കാണാം. ഇതില്‍ നിന്നെല്ലാം മാവിലയ്ക്ക് നല്‍കുന്ന സ്ഥാനം വളരെ വലുതാണെന്ന് അറിയാന്‍ കഴിയും. മാവിലയുടെ കാമ്പിലുള്ള കറ കലര്‍ന്ന കാറ്റ് ശ്വസിക്കുന്നത് ആരോഗ്യത്തിന് വളരെ നല്ലതാകുന്നു. അത് ഒരു കൃമിനാശിനികൂടിയാണ്. രോഗം വരാതിരിക്കുന്നതിനുള്ള ഒരു മുന്‍കരുതലായിക്കൂടി ഈ അനുഷ്ഠാനത്തെ കണക്കാക്കാം. താന്ത്രികകര്‍മ്മങ്ങള്‍ക്കും മറ്റും ക്ഷേത്രങ്ങളില്‍ മാവില ഉപയോഗിക്കുന്നതിന്റെയും പൊരുള്‍ മറ്റൊന്നല്ല. റോഡില്‍ കുരുത്തോലകൊണ്ട് അരങ്ങിടുന്ന അവസരത്തിലും ധാരാളം മാവിലകള്‍ അതിനിടയില്‍ തൂക്കിയിടുന്നത് കാണാം.
