ആരുഹ്യ വാ സമാശ്രിത്യ ജീവവദ്വസ്തു പൃച്ഛതി
പ്രശ്‌നേ ചാഗച്ഛതി പ്രാണീ തം ദേശം പ്രതി കശ്ചന
ജീവത്യേവ ധ്രുവം രോഗീ മ്രിയതേ വൈപരീത്യതഃ
രോഗ വിഷയമായ പ്രശ്നത്തിൽ ജീവനുള്ള ആന, കുതിര, മുതലായ വസ്തുക്കളിന്മേൽ കേറി ഇരുന്നുകൊണ്ടോ അല്ലെങ്കിൽ ജീവ സാധനങ്ങളെ പിടിച്ചുകൊണ്ടോ ചോദിക്കുന്നു എങ്കിലും പ്രശ്ന സ്ഥലത്ത് തത്സമയം ബലവാനായ ഒരാൾ (രോഗിയല്ലാത്തവൻ) വരുന്നുവെങ്കിലും രോഗശാന്തി നിശ്ചയമായും വരുമെന്ന് പറയണം.
ജീവനില്ലാത്ത ശുഷ്ക വസ്തുക്കളിൽ ഇരുന്നുകൊണ്ടോ അല്ലെങ്കിൽ അങ്ങനെയുള്ള ശുഷ്ക ദ്രവ്യങ്ങളെ പിടിച്ചുകൊണ്ടോ ചോദിക്കിലും തത്സമയം രോഗാർത്തനായ ഒരാൾ വരുന്നുവെങ്കിലും രോഗി മരിക്കുമെന്ന് പറയണം.
