ബന്ധാദ്ധീനവമസ്ഥയോരശുഭയോ-
സ്സൌമ്യഗ്രഹാദൃഷ്ടയോർ-
ദ്രേക്കാണൈശ്ച സസർപ്പപാശനിഗളൈഃ
ഛിദ്രസ്ഥിതൈർബ്ബന്ധതഃ
കന്യായാമശുഭാന്വിതേƒസ്തമയഗേ
ചന്ദ്രേ സിതേ മേഷഗേ
സൂര്യേ ലഗ്നഗതേ ച വിദ്ധി മരണം
സ്ത്രീഹേതുകം മന്ദിരേ.
സാരം :-
- ലഗ്നാൽ അഞ്ചും ഒമ്പതും ഭാവങ്ങളിൽ പാപഗ്രഹങ്ങൾ നില്ക്കുകയും ഈ രണ്ടു ഭാവങ്ങളിൽ നില്ക്കുന്ന പാപഗ്രഹങ്ങൾക്കു ശുഭദൃഷ്ടി തീരെ ഇല്ലാതിരിയ്ക്കുകയും ചെയ്ക, അല്ലെങ്കിൽ
- എട്ടാം ഭാവത്തിന്റെ ദ്രേക്കാണം, പാശധാരിയോ സർപ്പധാരിയോ നിഗള - ചങ്ങല - ധാരിയോ ആയിരിയ്ക്കുക, ഈ ദ്രേക്കാണത്തിനു ശുഭഗ്രഹദൃഷ്ടി ഇല്ലാതെ ഇരിയ്ക്കുകയും ചെയ്ക, മേല്പറഞ്ഞ രണ്ടു യോഗങ്ങളിൽ ഒന്നുള്ളപ്പോൾ ജനിച്ചവൻ ബന്ധനം നിമിത്തമായിട്ടാണ് മരിയ്ക്കുക. മേൽകാണിച്ച രണ്ടു യോഗവും കൂടി ഒന്നാണെന്നും ഒരു അഭിപ്രായമുണ്ട്.
- മീനം രാശി ലഗ്നമാവുക, മീനം രാശിയിൽ സൂര്യനും മേടം രാശിയിൽ ശുക്രനും കന്നി രാശിയിൽ ഒരു പാപഗ്രഹത്തോടുകൂടി ചന്ദ്രനും നില്ക്കുകയും ചെയ്ക, ഈ യോഗസമയത്ത് ജനിച്ചവൻ സ്ത്രീ നിമിത്തമായി സ്വഗൃഹത്തിൽ വെച്ചുതന്നെ മരിക്കുന്നതാകുന്നു. "അസിതേമേഷഗേ" എന്നും ചിലർ പഠിച്ചുകാണുന്നുണ്ട്. എന്നു വെച്ചാൽ മേടം രാശിയിൽ നില്ക്കേണ്ടത് ശനിയാണെന്നും സാരം.
