പത്രമൂലഫലഭൃൽ ദ്വിപകായഃ
കാനനേ മലയഗശ്ശരഭാം ഘ്രിഃ
ക്രോഡതുല്യവദനോ ഹയകണ്ഠഃ
കർക്കടേ പ്രഥമരൂപമുശന്തി.
സാരം :-
കർക്കടകാദ്യദ്രേക്കാണസ്വരൂപം മലയപർവ്വതത്തിങ്കലെ ചന്ദനക്കാട്ടിൽ കിഴങ്ങും ഇലയും കായും ധരിച്ചു ചന്ദനവൃക്ഷത്തിന്മേൽ ഇരിയ്ക്കുന്നതും, പന്നിയുടെ മുഖം പോലെയുള്ള മുഖത്തോടും കുതിരയുടെ കഴുത്തുപോലെയുള്ള കഴുത്തോടും ആനയുടേതുപോലെ അതിയായ ദേഹവലുപ്പത്തോടും ശരഭമെന്ന മൃഗത്തിന്റെ കാൽവേഗംപോലെയുള്ള കാൽവേഗത്തോടും കൂടിയതുമായ ഒരു സത്വവിശേഷത്തിന്റെ സ്വരൂപം ആകുന്നു. ഇതു ഫലമൂലധാരിയും ചതുഷ്പാദ് ദ്രേക്കാണവുമാകുന്നുവെന്നും അറിയുക.
