ദ്വാവിംശഃ കഥിതസ്തു കാരണം
ദ്രേക്കാണോ നിധനസ്യ സൂരിഭിഃ
തസ്യാധിപതിർഭപോപി വാ
നിര്യാണം സ്വഗുണൈഃ പ്രയച്ഛതി.
സാരം :-
ഇതേവരെ പറഞ്ഞപ്രകാരമൊന്നും മരണഹേതുവിനെ ചിന്തിപ്പാൻ ലക്ഷണമില്ലെന്നു കണ്ടാൽ ഇരുപത്തിരണ്ടാം - എട്ടാം ഭാവത്തിന്റെ - ദ്രേക്കാണംകൊണ്ടാണ് മരണകാരണത്തെ ചിന്തിയ്ക്കേണ്ടത് എന്നാണ് ആചാര്യന്മാർ പറഞ്ഞിട്ടുള്ളത്. എങ്ങിനെയെന്നാൽ, ആ ഇരുപത്തിരണ്ടാം ദ്രേക്കാണാധിപൻ അതുമല്ലെങ്കിൽ അഷ്ടമാധിപൻ ഇവരിൽ അധികബലവാൻ എന്നു സാരം. ആ ഗ്രഹത്തിനു ഈ അദ്ധ്യായത്തിലെ ഒന്നാം ശ്ലോകത്തിൽ പറഞ്ഞ ദോഷകോപമോ ധാതുദൂഷ്യമോ കാരണമായുണ്ടാകുന്ന രോഗത്തെ അതു നില്ക്കുന്ന രാശിയുടെ ദേഹാവയവത്തിൽ ഉണ്ടാക്കിയതുമൂലം മരണത്തെ പ്രദാനം ചെയ്യുന്നതാകുന്നു. അല്ലെങ്കിൽ ആ ഒന്നാം ശ്ലോകത്തിൽ പറഞ്ഞ വഹ്ന്യംബ്വാദികളിൽ ആഗ്രഹത്തിനാധിപത്യമുള്ളതുമൂലം മരിച്ചുവെന്നും വരാം.
