പുരുഷന്മാർക്കു ഭാര്യയുടെ രൂപം, അനുഭവം, നാശം മുതലായവ എപ്രകാരം ചിന്തിയ്ക്കുന്നുവോ, അതുപോലെ തന്നെ സ്ത്രീജാതകംകൊണ്ടു ഭർത്താവിന്റെ രൂപം, ഗുണം, അനുഭവം, നാശം മുതലായവയും ചിന്തിച്ചുകൊള്ളണം

ദ്യൂനതന്നാഥശുക്രാദ്യൈര്യഥാ ദാരനിരൂപണം

പുംസാന്തഥൈവ നാരീണാം കർത്തവ്യം ഭർത്തൃചിന്തനം.

സാരം :-

പുരുഷജാതകത്തിലെ ഏഴാംഭാവം, ഏഴാംഭാവാധിപതി, ശുക്രൻ, മുതലായവരെക്കൊണ്ടു പുരുഷന്മാർക്കു ഭാര്യയുടെ രൂപം, അനുഭവം, നാശം മുതലായവ എപ്രകാരം ചിന്തിയ്ക്കുന്നുവോ, അതുപോലെ തന്നെ സ്ത്രീജാതകംകൊണ്ടു ഭർത്താവിന്റെ രൂപം, ഗുണം, അനുഭവം, നാശം മുതലായവയും ചിന്തിച്ചുകൊള്ളണം.

ഭാര്യയുടെ ജന്മചന്ദ്രനേയും മറ്റും നിരൂപിക്കാൻ പറഞ്ഞതുപോലെ സ്ത്രീജാതകത്തിൽ നിരൂപിച്ച ഭർത്താവിന്റെ ജന്മചന്ദ്രനേയും മറ്റും പറഞ്ഞുകൊള്ളേണമെന്നർത്ഥം.