രക്താംബരാ ഭൂഷണസക്തചിത്താ
കുംഭോകൃതിർവ്വാജിമുഖീ തൃഷാƒർത്താ
എകേന പാദേന ച മേഷമദ്ധ്യേ
ദ്രേക്കാണരൂപം യവനോപദിഷ്ടം.
മേടം രാശിയുടെ മദ്ധ്യദ്രേക്കാണസ്വരൂപം താഴെ പറയുന്ന വിധത്തിലാണെന്നാണ് യവനാചാര്യന്മാർ പറഞ്ഞിട്ടുള്ളത്.
മേടം രാശിയുടെ രണ്ടാം ദ്രേക്കാണം, ആഭരണങ്ങളിൽ അതിതാല്പര്യത്തോടും കുടംപോലെ വലിയ വയറോടും കുതിരയുടെ മുഖം പോലെയുള്ള മുഖത്തോടും വെള്ളം ദാഹം നിമിത്തമുള്ള പാരവശ്യത്തോടും കൂടിയ ചുകന്ന വസ്ത്രമുടുത്ത ഒരു സ്ത്രീയാകുന്നു. ഇതു സ്ത്രീദ്രേക്കാണമാണ്.
യവനാചാര്യയുടെ അഭിപ്രായം മുൻ ഏഴും പതിനൊന്നും അദ്ധ്യായങ്ങളിലെ പ്രഥമശ്ലോകങ്ങളിലും മറ്റും സ്വീകരിച്ചിട്ടുള്ളതുപോലെ ഇവിടേയും പറഞ്ഞുവെന്നല്ലാതെ വിശേഷിച്ചൊന്നും ഗ്രഹിയ്ക്കേണ്ടതില്ലെന്നും അറിയുക.
