ഭൂഷിതോ വരുണവൽ ബഹുരത്നൈർ-
ബ്ബദ്ധതൂണകവചസ്സധനുഷ്കഃ
നൃത്തവാദിതകലാസു ച വിദ്വാൻ
കാവ്യകൃന്മിഥുനരാശ്യവസാനേ.
മിഥുനാന്ത്യദ്രേക്കാണസ്വരൂപം, വരുണദേവനെപ്പോലെ അനവധി രത്നങ്ങൾ പതിച്ചുണ്ടാക്കിയ ആഭരണങ്ങളാൽ അലംകൃതനും, ചട്ട ഇട്ട് വില്ലും ആവനാഴികളും ധരിച്ചവനും, നൃത്തവാദ്യാദി സകലകലാവിദ്യകളിലും അറിവുള്ളവനും, കാവ്യഗ്രന്ഥം നിർമ്മിയ്ക്കത്തക്ക വിദ്വാനുമായ ഒരു പുരുഷനാകുന്നു. ഈ ദ്രേക്കാണം സായുധവും മാനുഷവുമാകുന്നു.
