ആനയുടെ തുമ്പിക്കരംപോലെ അരമുതൽ മുട്ടുവരെ മുകളിൽ നിന്നു കീഴോട്ടു വണ്ണം കുറഞ്ഞ് ഉരുണ്ടുകൊഴുത്ത തുടകൾ ഉത്തമമാകുന്നു. ഇത്തരം തുടകളുള്ളവൾ ഐശ്വര്യവതിയും ഭർത്താവിന്റെ സ്നേഹനിധിയും സഹൃദയയുമായിരിക്കും.
ഈ മാതിരി തുടകൾ മേൽഭാഗംകൊണ്ടു മാത്രം അല്പം പരന്നിരുന്നാലവൾ സുശീലയും ധനികയുമാകുന്നു.
അരക്കെട്ടിന്റെ ഭാഗവും മുട്ടിനു സമീപവും വണ്ണം കുറഞ്ഞും നടുക്കു തടിച്ചുമിരിക്കുന്ന തുടകളുള്ളവൾ കാമചാരിണിയും ദുർഭഗയുമാണ്‌.
മുകളിൽ മുതൽ താഴെവരെ ഒരേ വണ്ണത്തിൽ തുടകളോടു കൂടിയവൾ ജന്മനാ ഗണികയും പ്രസവിക്കാത്തവളുമായിരിക്കും.
പരന്ന തുടകളുള്ളവൾ ദരിദ്രയും കാമശീലയുമാകുന്നു.
തടിച്ചുകൊഴുത്തതും മാംസം താണുപോകുന്നതുമായ തുടകളോടുകൂടിയ സ്ത്രീ വിധവയും എന്നാൽ കാമചാരിണിയുമായിരിക്കും.
തുടകളിൽ രോമാവലികളോടുകൂടിയ സ്ത്രീ നിത്യദരിദ്രയാണ്.
തുടകളടുപ്പിച്ചുവച്ച് നിവർന്നു കിടന്നാൽ യോനിയുടേയും മുട്ടിന്റേയും അടുക്കൽ ഇടയുള്ള തുടകളോടുകൂടിയവൾ വിരഹിണിയും പുരുഷസുഖം അനുഭവിക്കാൻ ഭാഗ്യമില്ലാത്തവളുമാകുന്നു.
