ശുക്രാഷ്ടവർഗ്ഗേ സംശുദ്ധേ ഭൂചക്രേ യേഷു രാശിഷു
അക്ഷാണി തദ്ദിഗുൽഭൂതാപ്യക്ഷാധിക്യവശാച്ശുഭാ.
സാരം :-
ശുക്രന്റെ അഷ്ടവർഗ്ഗത്തിൽ ശോധനചെയ്തതിനുശേഷം ഏതെല്ലാം രാശികളിൽ ശുക്രന്റെ അക്ഷമുണ്ടോ, ആ രാശികളുടെ ദിക്കിൽ നിന്നുള്ള വിവാഹം ശോഭനമാണ്. ശുക്രന്റെ അക്ഷം അധികമുള്ള രാശി ഏറ്റവും ശോഭനമാണ്. ഗ്രഹങ്ങളുടേയും രാശികളുടേയും ദിക്കു നിർണ്ണയിക്കുന്നതിനുള്ള വിധികൾക്കു അല്പാല്പം വ്യത്യാസങ്ങളുണ്ട്. എന്നാൽ യഥാർത്ഥ ദൈവജ്ഞന്റെ (ജ്യോതിഷിയുടെ) ഹൃദയമുകുരത്തിൽ യുക്തിയുക്തമായി അപ്പോൾ തോന്നുന്നത് ഏറ്റവും ശരിയായിത്തന്നെയിരിക്കും.
