രാഹോർദ്ദശായാം നിധനസ്ഥിതസ്യ
രോഗം മൃതിം വാ തനയാർത്ഥനാശം
ചോരാഗ്നിഭൂപൈസ്സ്വകുലോത്ഭവൈശ്ച
ഭയം മൃഗൈർവ്വാ വനവാസദുഃഖം.
സാരം :-
എട്ടാം ഭാവത്തിൽ നിൽക്കുന്ന രാഹുവിന്റെ ദശാകാലം രോഗദുഃഖങ്ങളും ധനനഷ്ടവും കാര്യഹാനിയും തനിക്കോ പുത്രനോ മരണവും കള്ളന്മാരിൽനിന്നും സ്വജനങ്ങളിൽനിന്നും പശുവൃഷഭാദി മൃഗങ്ങളിൽനിന്നും ഉപദ്രവവും അഗ്നിഭയവും രാജഭയവും വനവാസം നിമിത്തം ഉള്ള ക്ലേശവും സംഭവിക്കും.