എട്ടാം ഭാവത്തിൽ നിൽക്കുന്ന ചന്ദ്രന്റെ ദശാകാലം

ചന്ദ്രസ്യ രന്ധ്രോപഗതസ്യ ദായേ

ദേഹസ്യ കാർശ്യം ജലഭീതിദുഃഖം

വിദേശയാനം സകലൈർവ്വിരോധം

കുഭോജനം മാതൃജനസ്യ നാശം.

സാരം :-

എട്ടാം ഭാവത്തിൽ നിൽക്കുന്ന ചന്ദ്രന്റെ ദശാകാലം ദേഹത്തിന് ചടവും ക്ഷീണവും ജലത്തിൽനിന്നു ഭയവും ദുഃഖങ്ങളും അന്യദേശഗമനവും സംഭവിക്കുകയും എല്ലാവരോടും വിരോധം ജനിക്കുകയും ഭക്ഷണസുഖം കുറഞ്ഞിരിക്കുകയും മാതാവിനോ മാതൃതുല്യകളായ മറ്റു സ്ത്രീകൾക്കോ നാശമുണ്ടാവുകയും ഫലമാകുന്നു.

എട്ടാം ഭാവത്തിൽ നിൽക്കുന്ന ചന്ദ്രൻ ബലഹീനനും പാപഗ്രഹയുക്തനുമായാൽ മേൽപ്പറഞ്ഞ അനിഷ്ടഫലങ്ങൾ തികച്ചും സംഭവിക്കുകയും ചെയ്യും.