അര്‍ക്കേ വാര്‍ക്കേണ യുക്തേ വാ ബാധേശേ ദേവസന്നിധൌ
ചന്ദ്രേ ചന്ദ്രാന്വിതേ തോയപ്രദേശേ വാഥവോഷരേ.
കുജേ വാ കുജയുക്തേ വാ ശ്മശാനേ വാഗ്നിസന്നിധൌ
യുദ്ധോര്‍വ്യാം വൈവമാദ്യേഷു ശശിജേ വാഥ തദ്യുതേ
വിദ്യാഭ്യാസവിഹാരോര്‍വ്യാമഥ ജീവേ ച തദ്യുതേ
ദേശാന്തേ കോശഗേഹേ വാ തതഃ ശുക്രേ ച തദ്യുതേ
ശയ്യാഗൃഹേ വാ ഗ്രാമാന്തേ തതോ മന്ദേ ച തദ്യുതേ
ഉച്ഛിഷ്ടാദിപരിത്യാഗസ്ഥാനേ ചൂര്‍ണ്ണാദികം വദേല്‍.
സാരം :-
ബാധകാധിപന്‍ സൂര്യനായാലും സൂര്യനോടുകൂടിയായാലും ക്ഷുദ്രം വച്ചിരിക്കുന്നത് ദേവാലയത്തിന്‍റെ സമീപത്താണെന്ന് പറയണം.
ബാധകാധിപന്‍ ചന്ദ്രനാവുകയോ ചന്ദ്രനോടുകൂടുകയോ ചെയ്‌താല്‍ വെള്ളമുള്ള സ്ഥലത്തോ ഓരുള്ള സ്ഥലത്തോ ആണ് ക്ഷുദ്രം വച്ചിരിക്കുന്നതെന്ന് പറയണം.
ബാധകാധിപന്‍ ചൊവ്വാ ആവുകയോ ചൊവ്വയോട്‌ ചേരുകയോ ചെയ്‌താല്‍ ചുടുകാട് (ശ്മശാനം), അടുപ്പ് മുതലായ അഗ്നിസ്ഥാനങ്ങള്‍, യുദ്ധഭൂമി എന്നിങ്ങനെയുള്ള പ്രദേശത്താണ് ക്ഷുദ്രം വച്ചിരിക്കുന്നതെന്ന് പറയണം
ബാധകാധിപന്‍ ബുധനാവുകയോ ബുധനോട് ചേരുകയോ ചെയ്‌താല്‍ എഴുതുപള്ളി (വിദ്യാഭ്യാസസ്ഥലം), കളിസ്ഥലം എന്നിങ്ങനെയുള്ള പ്രദേശത്താന് ക്ഷുദ്രം വച്ചിരിക്കുന്നതെന്ന് പറയണം.
ബാധകാധിപന്‍ വ്യാഴമാവുകയോ വ്യാഴത്തോട് ചേരുകയോ ചെയ്‌താല്‍ ദേശത്തിന്‍റെ അതിര്‍ത്തിസ്ഥാനത്തോ ഭണ്ഡാരപ്പുരയിലോ ആണ് ക്ഷുദ്രം വച്ചിരിക്കുന്നതെന്ന് പറയണം.
ബാധകാധിപന്‍ ശുക്രനാവുകയോ ശുക്രനോടുകൂടി ചേരുകയോ ചെയ്‌താല്‍ ശയനഭവനത്തിലോ ഗ്രാമത്തിന്‍റെ അതിര്‍ത്തിസ്ഥലത്തോ ആണ് ക്ഷുദ്രം ചെയ്തിരിക്കുന്നത് എന്ന് പറയണം.
ബാധകാധിപന്‍ ശനിയോ ശനിയോടുകൂടി ചേര്‍ന്നോ നില്‍ക്കുന്നു എങ്കില്‍ എച്ചിലും കുപ്പയും ഇടുന്ന സ്ഥലത്താണെന്ന് ക്ഷുദ്രം ചെയ്തിരിക്കുന്നതെന്ന് പറയണം.
