വാസീഖൾഗപലാലജാലകതുഷാ പാദത്രപിഞ്ഛത്വചാം
ശൃംഗസ്യാപി ച വാഹകേ ച വികലേ സമ്മാർജനീധാരിണി
പ്രേതാലാംകൃതിശൂർപപാശമുസലാൻ ഭർത്തര്യുപേതേ ക്ഷുധാ
ദൈവജ്ഞേƒപി ച പൃച്ഛകേ ന ച ശുഭോ ജ്ഞേയോ വിചാരഃ ക്വചിൽ.
സാരം :-
പൃച്ഛാസമയത്തിങ്കൽ പൃച്ഛകനോ ജ്യോതിഷക്കാരനോ കൈയിൽ പിച്ചാത്തി, വാള്, വൈയ്ക്കോൽ, വല, ഉമി, ചെരിപ്പ്, മയിൽ‌പ്പീലി, ഏതിന്റെയെങ്കിലും തോല്, മൃഗാദികളുടെ കൊമ്പ്, ചൂല്, പ്രേത വിഷയമായി ഉപയോഗിക്കുന്ന ചെറുപൂള, മുതലായ സാധനങ്ങൾ, മുറം, കയറ്‌, ഉലക്ക, ഈ സാധനങ്ങളിൽ ഏതിനെയെങ്കിലും, ധരിച്ചിരിക്കിലും വിശപ്പ് നിമിത്തം ക്ഷീണിച്ചിരിക്കിലും അംഗവൈകല്യമുണ്ടാകിലും ഏതൊരു പ്രശ്നത്തിനായാലും അശുഭമാണെന്ന് തന്നെ അറിയേണ്ടതാണ്.
