ഉദ്യാനസംസ്ഥഃ കവചീ ധനുഷ്മാൻ
ശൂരോƒസ്ത്രധാരീ ഗരുഡാനനശ്ച
ക്രീഡാത്മജാലങ്കരണാർത്ഥിചിന്താം
കരോതി മദ്ധ്യേ മിഥുനസ്യ ചായം.
സാരം :-
മിഥുനം രാശിയുടെ മദ്ധ്യദ്രേക്കാണം, ശൌര്യമുള്ളവനും, ചട്ടയിട്ട് കൈകളിൽ വില്ലും അമ്പും ധരിച്ചു ഉദ്യാനത്തിലിരിയ്ക്കുന്നവനും, രതി പുത്രന്മാർ അലങ്കാരം ധനം ഇവയെക്കുറിച്ചു സദാ ചിന്തിയ്ക്കുന്നവനും, ഗരുഡന്റെ മുഖംപോലെയുള്ള മുഖത്തോടുകൂടിയവനുമായ ഒരു പുരുഷനാകുന്നു. ഇതു മനുഷ്യദ്രേക്കാണവും പക്ഷിമുഖദ്രേക്കാണവുമാകുന്നു.
