യുഗ്മർക്ഷഗോ ദാനവരാജപൂജ്യഃ
സുധാമയൂഖോപി യദാംഗനാംശേ
വീര്യാന്വിതൗ ലഗ്നമവേക്ഷമാണൗ
കുമാരികാ ലാഭകരൗ പ്രദിഷ്ടൗ.
സാരം :-
യുഗ്മരാശിയിൽ യുഗ്മനവാംശകത്തിൽ ചന്ദ്രനും ശുക്രനും ബലവാന്മാരായി നിൽക്കണം. ലഗ്നത്തിലേയ്ക്കുനോക്കുകയും വേണം. ഇങ്ങനെ വന്നാൽ വിവാഹപ്രശ്നത്തിനു ഹേതുവായ വധൂവരന്മാർ തമ്മിൽ വിവാഹം ചെയ്യാൻ സാധിക്കുമെന്നു പറയണം.
"കുമാരികാ ലാഭകരൗ " എന്നു പറഞ്ഞതുകൊണ്ട് പുരുഷനാൽ നിർദ്ദിഷ്ടയായ സ്ത്രീയെ വിവാഹം ചെയ്യാൻ സാധിക്കുമെന്നും പുരുഷജാതകാൽ ഈ യോഗമുണ്ടെങ്കിൽ കാലം തെറ്റാതെ തന്നെ വിവാഹം ചെയ്യാൻ സംഗതി ഉണ്ടെന്നും പറയണം. പ്രശ്നത്തിൽ ഈ യോഗമുണ്ടായാൽ പെട്ടെന്ന് വിവാഹം നടക്കുമെന്നു പറയണം.
