സ്ത്രീഭീർഗ്ഗതഃ പരിഭവം മദഗേ പതംഗേ
സ്വല്പാത്മജോ നിധനഗേ വികലേക്ഷണശ്ച
ധർമ്മേ സുതാർത്ഥസുഖഭാക് ശ്രുതശൌര്യഭാക് ഖേ
ലാഭേ പ്രഭൂതധനവാൻ പതിതസ്തു രിഃഫേ.
സാരം :-
ലഗ്നാൽ ഏഴാം ഭാവത്തിൽ സൂര്യൻ നിന്നാൽ ഭാര്യാദി സ്ത്രീജനങ്ങൾ അപമാനിയ്ക്കുക.
ലഗ്നാൽ എട്ടാം ഭാവത്തിൽ സൂര്യൻ നിന്നാൽ സന്താനം കുറഞ്ഞവനും നേത്രരോഗിയും അഥവാ കണ്ണിനു കാഴ്ചയില്ലാത്തവനും ആവുക.
ലഗ്നാൽ ഒമ്പതാം ഭാവത്തിൽ സൂര്യൻ നിന്നാൽ പുത്രന്മാരും സുഖവും ധനവും ധാരാളമുണ്ടാവുക.
ലഗ്നാൽ പത്താം ഭാവത്തിൽ സൂര്യൻ നിന്നാൽ ശാസ്ത്രങ്ങളഭ്യസിച്ചവനും പരാക്രമിയുമാവുക.
ലഗ്നാൽ പതിനൊന്നാം ഭാവത്തിൽ സൂര്യൻ നിന്നാൽ അളവില്ലാത്തിടത്തോളം ധനമുണ്ടാവുക.
ലഗ്നാൽ പന്ത്രണ്ടാം ഭാവത്തിൽ സൂര്യൻ നിന്നാൽ കർമ്മഭ്രഷ്ടനാവുക.
കുംഭലഗ്നത്തിന്റെ പന്ത്രണ്ടാം ഭാവത്തിൽ സൂര്യൻ നിന്നാൽ കേവലം ജാതിഭ്രംശംതന്നെ സംഭവിക്കുമെന്നും അറിയേണ്ടതാണ്.
