വിളക്കിന്‍റെ ജ്വാല ചലനരഹിതവും

ജ്വാലാ ചാഞ്ചല്യരഹിതാ ചായതാ രുചിരപ്രഭാ

ദേവസാന്നിദ്ധ്യവൃദ്ധിത്വം ക൪മ്മണാ ക൪മ്മിണാം വദേത്.

സാരം :-

ദേവപ്രശ്നത്തിന് വെച്ചതായ വിളക്കിന്‍റെ ജ്വാല ചലനരഹിതവും (നിശ്ചലവും) നീളമുള്ളതും മനോഹരപ്രഭയോടുകൂടിയതുമായി ഭവിയ്ക്കുന്നുവെങ്കില്‍ ശാന്തിക്കാരന്‍ മുതലായ ക൪മ്മികളുടെ ക൪മ്മംകൊണ്ട് ദേവസാന്നിദ്ധ്യവ൪ദ്ധനയുണ്ടെന്ന് പറയണം.

ആരാധന

  മനുഷ്യമനസ്സിന് സംതൃപ്തിയും സന്തോഷവും എങ്ങനെ കൈവരുന്നുവെന്നുവെച്ചാല്‍ ആ രീതിയില്‍ ആരാധനാ ദേവതകളെ സങ്കല്‍പ്പിക്കാം. കലുഷചിന്തയുള്ളവര്‍ ശാന്തമായും സമാധാനമായും ജീവിതത്തെ കണ്ടെത്തണം. ഭഗവാന്‍ പറയുന്നു തന്നെ ഏതുരൂപത്തിലും ഭാവത്തിലും പ്രാര്‍ഥിയ്ക്കാം സങ്കല്‍പ്പിക്കാം. പിതൃവിനേയും ഭൂതത്തേയും പ്രാര്‍ഥിയ്ക്കുന്നവനും ഈശ്വരന്‍ അനുഗ്രഹം നല്‍കുന്നു. പ്രാര്‍ഥിയ്കുന്നവര്‍ക്ക് അവരുടെ ആത്മാവിന്‍റെ ബന്ധം പിതൃവിലോ ഭൂതശക്തിയിലോ ലയിച്ചുനില്‍ക്കുകയുള്ളൂ. സാക്ഷാല്‍ പരാശക്തിയെ ആരാധിക്കുന്നവര്‍ അവിടെ വിലയിയ്ക്കുന്നതാണ്.

കലികാലത്ത് രുദ്രനായും, വിഷ്ണുവായും, ഗണേശനായും ഭഗവാനെ ആരാധിയ്ക്കാം. ശാസ്താവായും ഷണ്‍മുഖനായും കിരാതനായും ഭക്തജനങ്ങളുടെ ഇഷ്ടപ്രകാരം പരമപുണ്യവാനായ ഈശ്വര ശക്തിയെ ആരാധിയ്ക്കുന്നത് പുണ്യം തന്നെയാകുന്നു. എങ്ങനെയായാലും ഈശ്വരചിന്തയാണ് പരമശക്തി നല്‍കുന്നത്.