പഞ്ചസ്ഫുടംകൊണ്ട് ചിന്തിക്കണം

ബിംബം ചാഭരണം നിവേദ്യനിലയം

പ്രാസാദവാപീസരിത്-

കൂപം, തോരണവാഹനം, ബലിശിലാ-

ഭംഗം ച പഞ്ചസ്ഫുടം

മാന്ദ്യാദ്യൈ൪ന്നവദോഷകൈ൪യ്യുതമിദം

സാന്നിദ്ധ്യനാശം വദേത്

തത്തച്ഛാന്തികരം കരോതു ച വിധിം

സംവീക്ഷ്യ തന്ത്രാഗമം.

സാരം :-

ദേവപ്രശ്നത്തില്‍

1). ബിംബവും അലങ്കാരവും, 2). തിടപ്പള്ളി, 3). അമ്പലം, കുളം, പുഴ, മുതലായവ. 4). തോരണം, വാഹനം, 5). ബലിക്കല്ല് എന്നിവയെ പഞ്ചസ്ഫുടംകൊണ്ട് ചിന്തിക്കണം.

പഞ്ചസ്ഫുടത്തില്‍ ഗുളികന്‍ വിശിഷ്ടി മുതലായ നവദോഷങ്ങളുണ്ടായാല്‍ മേല്‍പറഞ്ഞവയുടെ ദോഷം നിമിത്തം സാന്നിദ്ധ്യം നശിച്ചിരിക്കുന്നുവെന്നും തന്ത്രശാസ്ത്രവിധിയനുസരിച്ച് അതാതിനുള്ള പ്രതിവിധികള്‍  ചെയ്യണമെന്നും പറയണം.

മുടിവളരാന്‍ "ചൂല് " വഴിപാട്

  ഏറണാകുളം ജില്ലയില്‍ പെരുമ്പാവൂരില്‍ നിന്നും പത്ത് കിലോമീറ്റര്‍ അകലെയാണ് കല്ലില്‍ ശ്രീ ഭഗവതിക്ഷേത്രം. കുന്നിന്‍ മുകളിലുള്ള ഈ ഗുഹാ ക്ഷേത്രത്തിലെ പ്രധാന പ്രതിഷ്ഠ ദുര്‍ഗ്ഗയാണ്. കിഴക്കോട്ട് ദര്‍ശനം. പാറയുടെ മുകള്‍ഭാഗത്ത് ബ്രഹ്മാവിന്‍റെ രൂപം കൊത്തിവച്ചിട്ടുണ്ട്. ബ്രഹ്മാവിനെ ഇവിടെ പൂജിക്കുന്നു. രണ്ട് പൂജയുണ്ടെങ്കിലും രാവിലെ മാത്രമേ നട തുറക്കു. അത്താഴപ്പൂജ ഇന്നും കല്ലില്‍ പിഷാരത്താണ് നടത്തുന്നത്. തലമുടി സമൃദ്ധമായി വളരാന്‍ സ്ത്രീകള്‍ നാല്‍പത്തിയൊന്നു ദിവസത്തെ വ്രതാനുഷ്ഠാനത്തോടെ "ചൂല് " ക്ഷേത്ര നടയില്‍ സമര്‍പ്പിക്കുന്നു. "ഇടിതൊഴല്‍" എന്ന ഒരു അപൂര്‍വ്വ വഴിപാടും ഇവിടെയുണ്ട്. വൃശ്ചികമാസത്തിലെ കാര്‍ത്തിക നാളില്‍ വ്രതാനുഷ്ഠാനത്തോടെ മാരാര്‍ ഉണക്കലരി വെറ്റില, പാക്ക്, ചുണ്ണാമ്പ്, മഞ്ഞള്‍, എന്നിവ ഉരലില്‍ ഇടിച്ച് ഉണ്ടാക്കുന്ന സാധനം ദേവിക്ക് സമര്‍പ്പിച്ച്‌ ഭക്തജനങ്ങള്‍ക്ക് പ്രസാദമായി നല്‍കുന്നു. വൃശ്ചികമാസത്തിലെ കാര്‍ത്തികനാള്‍ കൊടിയേറി എട്ട് ദിവസത്തെ ഉത്സവം നടത്തുന്നു.