ദേവേ ത്രിസ്ഫുടവ൪ഗ്ഗതസ്തദധിപൈ-
സ്തത്തല്ഗത൪ക്ഷൈഃ ക്രമാദ്
പ്രാസാദം മുഖമണ്ഡപാങ്കണചതു-
ശ്ശാലാശ്ച ദീപാലയം
ദീപസ്തംഭമിഹാദിശേച്ഛതുഭയുതി-
൪വ്വീക്ഷാ ച വ൪ഗ്ഗസ്ഥിതി-
സ്തേഷാം മദ്ധ്യഗതി൪ബ്ബലം ച ശുഭദം
തദ്വ്യത്യയേ വ്യത്യയഃ
ദേവപ്രശ്നത്തില് ത്രിസ്ഫുടത്തിന്റെ ഷഡ്വ൪ഗ്ഗം വരുത്തി ആ ഷഡ്വ൪ഗ്ഗാധിപന്മാരെക്കൊണ്ടും അവരാശ്രയിച്ച രാശികൊണ്ടും ഫല നിരൂപണം ചെയ്യുവാനുള്ള രീതിയാണ് പറയുന്നത്.
ദേവപ്രശ്നത്തില് ദ്രേക്കാണം കൊണ്ട് പ്രാസാദത്തേയും, ഹോരകൊണ്ട് മുഖമണ്ഡപത്തേയും, നവാംശകം കൊണ്ട് അങ്കണത്തേയും, ത്രിംശാംശകംകൊണ്ട് ചുറ്റമ്പലത്തേയും, ദ്വാദശാംശംകൊണ്ട് വിളക്കുമാടത്തേയും, ക്ഷേത്രം കൊണ്ട് ദീപസ്തംഭത്തേയും ചിന്തിക്കണം.
ഈ ദ്രേക്കാണാധിപന്മാ൪ക്കും അവ൪ നില്ക്കുന്ന രാശികള്ക്കും ശുഭഗ്രഹയോഗവും, ശുഭഗ്രഹദൃഷ്ടിയും, ശുഭ ഗ്രഹങ്ങളുടെ മദ്ധ്യസ്ഥിതി എന്നിവയുണ്ടെങ്കില് ഫലം ശുഭമാണ് എന്ന് പറയണം.
ഈ ദ്രേക്കാണാധിപന്മാ൪ക്കും അവ൪ നില്ക്കുന്ന രാശികള്ക്കും പാപഗ്രഹയോഗവും, പാപഗ്രഹദൃഷ്ടിയും, പാപഗ്രഹങ്ങളുടെ മദ്ധ്യസ്ഥിതി എന്നിവയുണ്ടെങ്കില് ഫലം ദോഷമാണെന്ന് പറയണം.
