ദേവപ്രശ്നത്തില്‍ ത്രിസ്ഫുടം

സൃഷ്ടിഖണ്ഡഗൃഹോഡുസ്ഥം സ്ത്രിസ്ഫുടം ജീവസൂത്രകൃത്

സ്ഥിതൗ രോഗം ഭാവേദ്സൂത്രം സംഹാരേ മൃത്യുദം തഥാ.

സാരം :-

ദേവപ്രശ്നത്തില്‍ ത്രിസ്ഫുടസൂത്രം, സൃഷ്ടിഖണ്ഡം, സൃഷ്ടിരാശി, സൃഷ്ടി നക്ഷത്രംഎന്നിവയില്‍ വന്നാല്‍ ജീവസൂത്രമാണ്. 

ദേവപ്രശ്നത്തില്‍ സ്ഥിതി ഖണ്ഡാദികളിലായാല്‍ രോഗസൂത്രവും സംഹാരഖണ്ഡത്തിലായാല്‍ മൃതിസൂത്രവുമാണ് 

കുടുംബഐശ്വര്യത്തിന് "പാളനമസ്ക്കാരം"

തിരുവല്ല ശ്രീ വല്ലഭമഹാക്ഷേത്രത്തില്‍ ഭക്തജനങ്ങള്‍ കുടുംബത്തില്‍ സന്തോഷവും ഐശ്വര്യവും ഉണ്ടാകാന്‍ പാളനമസ്ക്കാരം വഴിപാട് നടത്തുന്നു. പൂജയോട് കൂടി ക്രിയാംഗമായി ബ്രാഹ്മണര്‍ക്ക് ഭോജനം നല്‍കുന്നതിനാണ് നമസ്ക്കാരം എന്ന് പറയുന്നത്. പാളനമസ്ക്കാരം ശ്രീ വല്ലഭക്ഷേത്രത്തിലെ ഒരു പ്രത്യേകതയാണ്. ഈ നമസ്ക്കാരത്തിന് ആഹാരം വിളമ്പിയിരുന്നത് കാമുകിന്‍ പാളയിലാണ്. നമസ്ക്കാരത്തിനുശേഷം അതിഥിയെ മണ്ഡപത്തില്‍ ഇരുത്തി ദക്ഷിണ കൊടുക്കുന്നു. ശങ്കരമംഗലത്തമ്മയുടെ ആതിഥ്യം സ്വീകരിക്കുവാനെത്തിയ ബ്രഹ്മചാരിരൂപിയായ വിഷ്ണുഭഗവാന് അമ്മ പാളയിലായിരുന്നു ആഹാരം നല്‍കിയതെന്നാണ് ഐതിഹ്യം. അതിന്‍റെ ഓര്‍മ്മയേ നിലനിറുത്തുന്ന ഒരു ചടങ്ങാണ് പാളനമസ്ക്കാരം.