ഞങ്ങള്‍ തമ്മില്‍ വഴക്കിടുമോ?

ഈ വിധ ചോദ്യങ്ങള്‍ അതാതു സമയത്തെ ഉദയലഗ്നം കൊണ്ടും ആരൂഢം കൊണ്ടും ചിന്തിക്കണം.

ലഗ്നം പാപഗ്രഹരാശിയാവുകയും ആ പാപഗ്രഹരാശിയിലേയ്ക്ക് പാപഗ്രഹങ്ങളുടെ ദൃഷ്ടിയുണ്ടെങ്കില്‍ വലിയ വഴക്കോ യുദ്ധമോ ഉണ്ടാകും.

ലഗ്നം പാപഗ്രഹരാശിയാവുകയും ആ പാപഗ്രഹരാശിയിലേയ്ക്ക് ശുഭഗ്രഹങ്ങളുടെ ദൃഷ്ടിയുണ്ടെങ്കില്‍ വഴക്ക് അല്‍പകാലം കൊണ്ട് മാറുന്നതായിരിക്കും. 

നക്ഷത്രദശാ കണ്ടുപിടിക്കുന്നത് എങ്ങനെ?

കാലചക്രദശ കണ്ടുപിടിക്കുന്നത് എങ്ങനെ? എന്ന പോസ്റ്റിന്റെ തുടര്‍ച്ചയാണ് താഴെ കൊടുത്തിരിക്കുന്നത്. ഇവിടെ ക്ലിക്ക് ചെയ്യുക. 

നക്ഷത്രദശാ കണ്ടുപിടിക്കുന്നത് എങ്ങനെ?

ചന്ദ്രസ്ഫുടംനാള്‍ കണ്ട് എത്ര വിനാഴിക ലഭിച്ചിട്ടുണ്ടോ അത്ര നാഴിക വിനാഴികകള്‍ 60 ല്‍ നിന്ന് കളഞ്ഞ് (കുറച്ച്) ശിഷ്ടം ലഭിക്കുന്ന നാഴിക വിനാഴികകളെ ജന്മനക്ഷത്രനാഥന്റെ ദശാസംവത്സരംകൊണ്ട് പെരുക്കി (ഗുണിച്ച്‌) 60 ല്‍ ഹരിച്ച്‌ കിട്ടുന്ന ഫലം ജനനാനന്തരം ആ ദശാനാഥന്റെ സംവത്സരത്തില്‍ കഴിവാനുള്ള വത്സരമാകുന്നു. അതില്‍ ശിഷ്ടത്തെ 12 ല്‍ പെരുക്കി (ഗുണിച്ച്‌) 60 ല്‍ ഹരിച്ചാല്‍ കിട്ടുന്ന ഫലം ദിവസവും അതില്‍ ശിഷ്ടം വരുന്നത് നാഴികയാകുന്നു. ഇതാണ് ജനനാന്തരം ജന്മനക്ഷത്രംകൊണ്ട് നക്ഷത്രദശവരുത്തുവാനുള്ള ക്രിയ. 

ചന്ദ്രസ്ഫുടം കണ്ടുപിടിക്കുന്നത് എങ്ങനെ? എന്ന പോസ്റ്റ്‌ കാണുവാന്‍ ഇവിടെ ക്ലിക്ക് ചെയ്യുക.  

ഉദാഹരണം :-

ചന്ദ്രസ്ഫുടം 7-1-58  (7 രാശി, 1 ദിവസം, 58 കല (നാഴിക))

മേല്‍വിവരിച്ച ചന്ദ്രസ്ഫുടത്തില്‍ വിശാഖം നാളില്‍ ചെന്ന നാഴിക 53. വിനാഴിക 51. ഇത് 60 ല്‍ നിന്ന് കളഞ്ഞാല്‍ കിട്ടുന്നത് 6 നാഴിക 9 വിനനാഴികയാണ്. വിശാഖം നാളില്‍ ജനാനന്തരം കഴിയുവാനുള്ളതാണ്. ഇതിനെ വിശാഖം നക്ഷത്രനാഥനായ വ്യാഴത്തിന്റെ നക്ഷത്രദശാസംവത്സരമായ 16 പെരുക്കണം (ഗുണിക്കണം). 6 നാഴിക 9 വിനാഴിക x 16 = 96 നാഴിക 144 വിനാഴിക. ഇതിലെ വിനാഴികയായ 144 നെ 60 ല്‍ ഹരിച്ച്‌ നാഴികയായ 96 ല്‍ കൂട്ടി അതിനെ 60 ല്‍ ഹരിക്കണം. ആ ഫലമാണ് ദശാസംവത്സരം.

അതായത്  

144 ÷ 60 = ഹരണഫലം 2. ശിഷ്ടം 24.

ഹരണഫലം സംഖ്യ 2 നെ 96 ല്‍ കൂട്ടിയാല്‍ 98 ആകുന്നു.

98 നെ 60 ല്‍ ഹരിച്ചാല്‍ 

98 ÷ 60 = ഹരണഫലം 1 ശിഷ്ടം 38

അപ്പോള്‍ ജനനശിഷ്ടം വ്യാഴദശ കഴിയുവാന്‍ ഒരു കൊല്ലം എന്ന് ലഭിച്ചു.

ശിഷ്ടസംഖ്യകളായ  38, 24 നെ 12 ല്‍ പെരുക്കി (ഗുണിച്ച്‌) 60 ല്‍ ഹരിക്കണം.  

38 x 12 = 456

24 x 12 = 288

288 ÷ 60 = ഹരണഫലം 4 ശിഷ്ടം 48. 

ഹരണഫലസംഖ്യ 4 നെ 456 ല്‍ കൂട്ടിയാല്‍ 460 ആകും. 460 നെ 60 ല്‍ ഹരിച്ചാല്‍ ഹരണഫലം 7. ശിഷ്ടം 40. ഹരണഫല സംഖ്യയ 7 നെ നക്ഷത്രദശയില്‍ കഴിയുവാനുള്ള 7 മാസമാകുന്നു.

ശിഷ്ട സംഖ്യകളായ 40, 48 നെ 30 ല്‍ പെരുക്കിയാല്‍ 

അതായത് 

40 x 30 = 1220

48 x 30 = 1440

1440 നെ 60 ല്‍ ഹരിച്ചാല്‍ ഹരണഫലം 24. ശിഷ്ടമില്ല. ഹരണഫലം 24 നെ 1200 ല്‍ കൂട്ടിയാല്‍ 1224 ആകുമല്ലോ. 1224 നെ 60 ല്‍ ഹരിച്ചാല്‍ 1224 ÷ 60 = ഹരണഫലം 20. ഇത് ദിവസമാകുന്നു. ശിഷ്ടമുള്ള 24 നാഴികയുമാകുന്നു. അപ്പോള്‍ ജനാനന്തരം കഴിവാന്‍ ജന്മതാരാധിപനായ വ്യാഴദശാകാലം 1 വയസ്സ് 7 മാസം 20 ദിവസം 24 നാഴികയുമാകുന്നു.

തുടര്‍ന്ന് മുന്‍പ് ദശാനാഥന്മാരെയും ദശാസംവത്സരത്തെയും കാണിച്ചപ്രകാരം ദശാസംവത്സരങ്ങള്‍ ഇതില്‍ കൂട്ടികൊണ്ടാല്‍ മതി. 1 വര്‍ഷം 7 മാസം 20 ദിവസം 24 നാഴിക ജനനശിഷ്ടം വ്യാഴദശ കിട്ടിയല്ലോ. തുടര്‍ന്ന് വ്യാഴം കഴിഞ്ഞാല്‍ ശനി ദശ 19 കൊല്ലം കൂട്ടണം. അപ്പോള്‍ 20 വര്‍ഷം 7 മാസം 20 ദിവസം 24 നാഴിക കഴിയും വരെ ശനിദശ. പിന്നെ ബുധദശാകാലം 17 കൂട്ടണം. അപ്പോള്‍ 37 വര്‍ഷം 7 മാസം 20 ദിവസം 24 നാഴിക കഴിവോളം ബുധദശ. പിന്നീട് കേതു ദശാകാലം 7 കൊല്ലം കൂട്ടിയാല്‍ 44 വര്‍ഷം 7 മാസം 20 ദിവസം 24 നാഴിക വരെ കേതുദശ. തുടര്‍ന്ന് 20 കൊല്ലം ശുക്രദശ ചേര്‍ത്താല്‍ 64 വര്‍ഷം 7 മാസം 20 ദിവസം 24 നാഴിക വരെ ശുക്രദശാകാലം. തുടര്‍ന്ന് ആദിത്യദശാവര്‍ഷം 6 ചേര്‍ത്താല്‍ 70 വര്‍ഷം 7 മാസം 20 ദിവസം 24 നാഴിക ആദിത്യദശാകാലം. തുടര്‍ന്ന് ചന്ദ്രദശാകാലം 10 കൊല്ലം ചേര്‍ത്താല്‍ 80 വര്‍ഷം 7 മാസം 20 ദിവസം 24 നാഴിക ചന്ദ്രദശാകാലം. തുടര്‍ന്ന് 7 കൊല്ലം ചൊവ്വാദശ ചേര്‍ത്താല്‍ 87 വര്‍ഷം 7 മാസം 20 ദിവസം 24 നാഴിക കുജദശാകാലം. അവസാനം രാഹുദശാകാലം 18 കൂട്ടിയാല്‍ 105 വര്‍ഷം 7 മാസം 20 ദിവസം 24 നാഴിക രാഹുദശ. തുടര്‍ന്ന് വ്യാഴദശയില്‍ ജനനാദുപരി ലഭിച്ച വ്യാഴദശാകാലം കഴിച്ച് ബാക്കിയുള്ള 14 വര്‍ഷം 4 മാസം 9 ദിവസം 36 നാഴിക കൂടി ഇതില്‍ ചേര്‍ത്താല്‍ 120 വയസ്സായി. ഒരു പുരുഷായുസ്സ് തികഞ്ഞു. ഇങ്ങനെയാണ് നക്ഷത്രദശാകാലമുണ്ടാക്കി ദശാകാലം അറിയേണ്ടത്.

നൈസര്‍ഗ്ഗികദശ കണ്ടുപിടിക്കുന്നത് എങ്ങനെ? എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.