ക്ഷേത്രത്തില്‍ മരണമുണ്ടാവുകയും, കള്ളന്മാ൪ കടക്കുകയും, അഗ്നിഭയമുണ്ടാവുകയും

ചരരാശ്യംശൈരുദിതൈ-

൪ദ്ദേവസ്യോഡുത്രികോണഗൈ൪ദ്ദോഷം

മൃതിചോരാഗ്നിനൃപാലൈഃ

പീഡായുധബിംബദോഷമപി വാച്യം.

സാരം :-

ദേവപ്രശ്നത്തില്‍ ത്രിസ്ഫുടം ചരരാശ്യംശകമായും, ത്രിസ്ഫുടം  ദേവന്‍റെ നക്ഷത്ര ത്രികോണത്തിലാകയും ചെയ്‌താല്‍, ക്ഷേത്രത്തില്‍ മരണമുണ്ടാവുകയും, കള്ളന്മാ൪ ക്ഷേത്രത്തില്‍ കടക്കുകയും, ക്ഷേത്രത്തില്‍ അഗ്നിഭയമുണ്ടാവുകയും രാജസംബന്ധികളാല്‍ ഉപദ്രവമുണ്ടാവുകയും, ക്ഷേത്രത്തിലെ ആയുധം നശിക്കുകയും, ബിംബം നശിയ്ക്കുകയും താമസിയാതെ സംഭവിയ്ക്കുന്നതാകുന്നു. ദേവനക്ഷത്രം പ്രതിഷ്ഠാനക്ഷത്രമാകുന്നു. 

മൌഡ്യഹരണം

ശത്രുക്ഷേത്രഹരണം എന്ന പോസ്റ്റിന്‍റെ തുടര്‍ച്ചയാണ്‌ താഴെ കൊടുത്തിരിക്കുന്നത്. ഇവിടെ ക്ലിക്ക് ചെയ്യുക. 

മൌഡ്യഹരണം

  ചന്ദ്രന്‍ മുതലായ  ഗ്രഹങ്ങള്‍ക്ക്‌  മൌഡ്യമുണ്ടായാല്‍ ഉച്ചനീചഹരണം, ശത്രുക്ഷേത്രഹരണം മുതലായവ വേണ്ടിവന്നിട്ടുണ്ടെങ്കില്‍ അതിനെ മുഴുവന്‍ നടത്തിയ ശേഷമുള്ള വര്‍ഷമാസദിനാദി നാഴികകളെ രണ്ടിടത്തുവച്ച് ഒന്നിനെ 2 ല്‍ ഹരിച്ച ഫലം രണ്ടാമത്തേതില്‍ നിന്ന് കളയണം. ശുക്രനും ശനിക്കും  മൌഡ്യഹരണം നടത്താറില്ല.

ദൃശ്യാര്‍ദ്ധഹരണം എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.