നഖശിരോരദനനക്ഷതിരുച്ചകൈഃ
പവനപിത്തരുഗർത്ഥവിനാശനം
ഗ്രഹണിഗുല്മകയക്ഷ്മനിപീഡനം
സീതാദശാഹൃതി തത്ര ഹിമത്വിഷി.
സാരം :-
ശുക്രദശയിലെ ചന്ദ്രന്റെ അപഹാരകാലം നഖത്തിനും തലയ്ക്കും പല്ലിനും ക്ഷതം, വേദന, മറ്റു രോഗോപദ്രവങ്ങൾ എന്നിവ സംഭവിക്കുകയും വാതപിത്തകോപവും, ധനനാശവും, ഗ്രഹണി, ഗുല്മം, ക്ഷയം എന്നീ രോഗങ്ങളെക്കൊണ്ട് ഉപദ്രവവും ഉണ്ടാകും.
ഇവിടെ ചന്ദ്രൻ ബലവാനാണെങ്കിൽ രാജപ്രസാദവും ധനലാഭവും കൃഷിഗുണവും പശ്വാദ്യഭിവൃദ്ധിയും ഭൂമിലാഭവും വിവാഹവും ഉത്സാഹശീലവും മറ്റു ഗുണഫലങ്ങളും ഉണ്ടാവുകയും ചെയ്യും.
ചന്ദ്രന് മാരകസ്ഥാനസംബന്ധമുണ്ടായാൽ ദോഷശാന്ത്യർത്ഥം ദുർഗ്ഗാലക്ഷ്മിമന്ത്രജപവും ചന്ദ്രപ്രീതികരങ്ങളായ ദാനങ്ങളും ചെയ്കയും വേണം.
