യാത്രാമുഹൂർത്തം

യായാദന്നഭനൈര്യതെ സ്ഥിരനൃയുക്

ചിത്രാംബുഗേന്ദും ത്യജേൽ

അർക്കാരാര്യ ബുധാച്ഛമന്ദശശിനാം

വാരാസ്തഥൈന്ദ്ര്യാദിഷു.

പ്രാച്യാദിഷ്വഥ ദിക്ഷുവിശ്വഹരിഭെ

ബുദ്ധ്ന്യാശ്വീനൗ രോഹിണീ

പുഷ്യൗ ഭാനുഭഗൗച ജന്മഭമപി

ത്യാജ്യാ മൃഗോനൗ ഗതൗ.

യാത്രപുറപ്പെടുന്നതിനു ചിത്ര നക്ഷത്രം ഒഴികെ ഊണ്‍നാളുകളും മൂലം നക്ഷത്രവും ഉത്തമമാണ്.

ഹസ്ത തിഷ്യാശ്വയുങ് മൈത്രശ്രവീഷ്ടാപൗഷ്ണവൈഷ്ണവാഃ

മൃഗശീർഷം തഥാഷ്ടൗചയാത്രായാം സുശുഭാവഹാഃ

രോഹിണ്യദിതിമൂലാനിവാരുണം പാവനോത്തരാഃ

ഏതേഷ്ടൗ മധ്യമാഃ പ്രോക്തായാത്രായാം തുവിചക്ഷണൈഃ

പൂർവ്വത്രയവിശാഖാർദ്രാ ഭരണി ചൈവകൃത്തികാ

ചിത്രാസാർപ്പമഖാ ജ്യേഷ്ഠാ നിത്യംഗമന വർജിതഃ

എന്ന് വിധിയുണ്ട്. ഇടവം ചിങ്ങം വൃശ്ചികം കുംഭം മീനം എന്നീ രാശി സമയം യാത്രാമുഹൂർത്തത്തിനു വർജ്ജിക്കണം. ഈ രാശികൾ മൂർദ്ധോദയങ്ങളൊത്തു വരുന്നതായാൽ യാത്രാമുഹൂർത്തത്തിനു ശുഭമാണ്.

ഊർദ്ധ്വാസ്യവാഞ്ചിതം ദദ്യാ ത്തിര്യഗാസ്യമശോഭനം

അധോമുഖം ധനഭ്രംശം യാത്രായാം കുരുതെനൃണാം

പൃഷ്ടോദയേതു ഭീതിസ്യാൽ കൗടില്യമുഭയോദയെ

തസ്മാൽ ശീർഷോദയെ യാത്രാം കുര്യാൽ സർവ്വാർത്ഥസിദ്ധയെ

എന്നും ഇവക്കുഫലമുണ്ട്‌. വിശേഷാൽ മുഹൂർത്തലഗ്നാൽ നാലാം ഭാവത്തിൽ ചന്ദ്രൻ നിൽക്കരുത്. ഞായർ കിഴക്ക്, തിങ്കൾ വടക്ക്, ചൊവ്വ അഗ്നികോണ്‍, ബുധൻ തെക്കുപടിഞ്ഞാറ്, വ്യാഴം തെക്ക്, വെള്ളി പടിഞ്ഞാറ്, ശനി വടക്കുപടിഞ്ഞാറ് എന്നീ ആഴ്ചകളിൽ ഈ ദിക്കുകളിലേയ്ക്ക് യാത്രപുറപ്പെടരുത്. വടക്കുകിഴക്ക് ദിക്കിലേയ്ക്ക്‌ നിത്യം യാത്ര ചെയ്യാം.

യാത്ര വടക്കോട്ടായാൽ ഉത്രം, അത്തം എന്നീ നക്ഷത്രങ്ങളും, കിഴക്കോട്ടായാൽ ഉത്രാടം തിരുവോണം എന്നീ നക്ഷത്രങ്ങളും, തെക്കോട്ടായാൽ ഉത്രട്ടാതി അശ്വതി എന്നീ നക്ഷത്രങ്ങളും പടിഞ്ഞാട്ടായാൽ പൂയം രോഹിണി എന്നീ നക്ഷത്രങ്ങളും ക്രമാനുസൃതം യാത്രാമുഹൂർത്തത്തിനു വർജിക്കണം. കോണുകളിലേയ്ക്ക് യാത്രപുറപ്പെടുന്നതിനു എല്ലാ നക്ഷത്രങ്ങളും ശുഭമാണ്.

യാത്രപുറപ്പെടുന്ന വ്യക്തിയുടെ ജന്മനക്ഷത്രം യാത്രാമുഹൂർത്തത്തിനു വർജിക്കണം. യാത്രാലഗ്നത്തിന്റെ ആറാം ഭാവത്തിലും പന്ത്രണ്ടാം ഭാവത്തിലും ചന്ദ്രൻ നിൽക്കുന്നത് ഉത്തമമല്ല. ജലയാത്രചെയ്യുന്നവർക്കു മകരം രാശി സമയം ജലയാത്രചെയ്യുന്നതിന് വർജിക്കണം. എല്ലാ യാത്രകൾക്കും പ്രതിപദം വർജിക്കണം. പ്രത്യേകിച്ചും താഴെപറയും പ്രകാരം ദിവസങ്ങൾ വർജിക്കേണ്ടതാണ്.

ശുക്രജ്ഞവാരൗശുഭദൗഗോസ്ത്രീയൗ ദൂരതോഗതൗ

ശുഭവാരാഃ ശുഭാജ്ഞേയാ പാപവാരനശോഭനാഃ

യാത്രായാം സർവ്വജന്തൂനാം ഭൗമവാരാദൃതേ ശുഭം

പ്രവേശേചാപിതം വർജ്യം പ്രാഹ്നെതത്ര വിശേഷതഃ

ചൊവ്വാഴ്ച ദിവസം യാത്രയ്ക്ക് ശുഭമല്ല. തിഥികളിൽ കിഴക്കോട്ട് യാത്രക്കു നന്ദയും; തെക്കോട്ട്‌ ഭദ്രയും; പടിഞ്ഞാറോട്ട് ജയയും; വടക്കോട്ട് പൂർണ്ണയും യാത്രാമുഹൂർത്തത്തിനു ഉത്തമമാണ്. മറ്റു തിഥികൾ യാത്രപുറപ്പെടുന്നതിനു ശുഭമല്ലെന്നില്ല. ദൂരയാത്രയ്ക്കു കർക്കിടകം വൃശ്ചികം മീനം എന്നീ മാസങ്ങൾ ശുഭമല്ല.

വേശ്യാസ്ത്രീ ശുഭശകുനമാകുമോ?

   വേശ്യാസ്ത്രീയെ ശുഭശകുനമായാണ് കണക്കാക്കുന്നത്. അതിനാല്‍ യാത്രയുടെ തുടക്കത്തില്‍ അവള്‍ വരുന്നതും പ്രഭാതത്തില്‍ കണി കാണുന്നതും ശുഭം തന്നെ. ഇതിന് പക്ഷേ ഒരു അടിസ്ഥാനപ്രമാണമുണ്ട്. അതായത് വേശ്യയെന്നത് സാമ്പത്തികത്തിനുവേണ്ടി വ്യഭിചരിക്കുന്നവള്‍ എന്നല്ല അര്‍ത്ഥം. സാമ്പത്തികേച്ഛ കൂടാതെ പരപുരുഷനുമായി സംഭോഗത്തില്‍ ഏര്‍പ്പെടുന്നവളെയാണ് വേശ്യയെന്ന പദം കൊണ്ട് വിവക്ഷിക്കുന്നത്. അങ്ങനെയുള്ളവളുടെ കാര്യമാണ് മേലുദ്ധരിച്ചത്. ബോധപൂര്‍വ്വം തന്നെ അവരെ ദിനാദ്യം വാഹനത്തില്‍ കയറ്റുന്നതും യാത്രയുടെ തുടക്കത്തില്‍ വരുത്തിക്കുന്നതുമൊക്കെ ചിലരെങ്കിലും ഇന്നും ചെയ്തുവരുന്നുണ്ട്. മനസ്സില്‍ സാമ്പത്തിക ലാഭേച്ഛ എന്ന കളങ്കമില്ലാതെ തന്റെ ശരീരം പരപുരുഷന് നല്‍കുന്നതുകൊണ്ടാവാം ഇത്തരത്തില്‍ ഒരു ദിവ്യപരിവേഷം വേശ്യക്ക് ലഭ്യമായത്.

പൂച്ച കുറുകെ ചാടിയാല്‍ ദോഷമോ?

   പൂച്ചയോട് ആര്‍ക്കും അത്രയ്ക്ക് വിരോധമില്ല; സ്നേഹവും വാത്സല്യവും അല്പം കൂടുതലുമാണ്. എന്നാല്‍ അതിന്റെ ശകുനത്തിന് അമിതപ്രാധാന്യമാണ് കല്‍പിച്ചുകാണുന്നത്. പൂച്ച കുറുകെ ചാടിയാല്‍ ആ വഴി പോകണ്ട എന്നൊരു വിശ്വാസവും ഇന്നും ചിലരെങ്കിലും പാലിക്കുന്നുണ്ടുതാനും. പൂച്ച വലതുവശത്തുനിന്ന് ഇടത്തേക്ക് പോകുന്നതിനെ ശുഭശകുനമെന്നും ഇടത്തുനിന്ന് വലത്തേക്ക് പോകുന്നതിനെ ദുശകുനമെന്നുമാണ് വിളിക്കുന്നത്. ഇതിന് ഒരു അടിത്തറയുണ്ടെന്നതാണ് വാസ്തവം. ആറാം ഇന്ദ്രിയം ഉണര്‍ന്നു പ്രവര്‍ത്തിക്കുന്നതില്‍ ഒരു പ്രധാനപ്പെട്ട ജീവിയാണ് പൂച്ചയെന്ന് കണ്ടുപിടിക്കപ്പെട്ടിട്ടുണ്ട്.

    പൂച്ച ഓടിവരുന്ന ഭാഗത്തേയ്ക്ക് പോകരുതെന്നായിരിക്കാം ആദ്യകാലത്ത് പറഞ്ഞു വന്നിരുന്നത്. കാരണം ശത്രുഭയത്താലാണ് പൂച്ച ഓടി വരുന്നത്. എന്നാല്‍ ക്രമേണ വലതു വശത്ത് നിന്ന് ഇടത്ത് വശത്തേക്കായാല്‍ നല്ല ശകുനമെന്നും മറിച്ചായാല്‍ മോശമെന്നുമൊരു സങ്കല്‍പം ഉണ്ടായത്.