എപ്പോഴാണ് മോഷണം നടന്നത്?

ഈ വിധ ചോദ്യങ്ങള്‍ അതാതു സമയത്തെ ഉദയലഗ്നം കൊണ്ടും ആരൂഢം കൊണ്ടും ചിന്തിക്കണം.

മോഷണപ്രശ്നത്തില്‍ ലഗ്നരാശിയുടെ സ്വഭാവമനുസരിച്ച് ഏതു ദിക്കില്‍ ഏതു സമയത്ത് ഏതു സ്ഥാനത്ത് മോഷണം നടന്നു എന്ന് പറയണം.

കാര്യസാദ്ധ്യത്തിന് "കൊട്ടിച്ചിരി"

  ഗുരുവായൂര്‍ മമ്മിയൂരിനടുത്തുള്ള ഗുരുവായൂര്‍ ദേവസ്വം കീഴേടം ശ്രീനരായണംകുളങ്ങര ഭഗവതിക്ഷേത്രം നാരായണത്തു ഭ്രാന്തനാല്‍ പ്രതിഷ്ഠിക്കപ്പെട്ടതാണ്‌. ഇവിടെ രണ്ട് ഭഗവതിമാരുടെ സങ്കേതമാണ്. മേലേക്കാവില്‍ ശാന്തഭാവത്തില്‍ ജ്യേഷ്ഠത്തിയും താഴെക്കാവില്‍ (കീഴേക്കാവില്‍) രൗദ്രഭാവത്തില്‍ അനുജത്തി ഭദ്രകാളിയുമാണ്. മേലേക്കാവില്‍  ആജ്ഞകള്‍ കീഴേക്കാവിലമ്മയാണ് നടത്തി കൊടുക്കുന്നത്. കീഴ്ക്കാവ് "ചിരിച്ചികൊട്ടിക്കാവ്" എന്ന പേരിലും അറിയപ്പെടുന്നു.

   കാര്യ സാദ്ധ്യത്തിനും, എന്തെങ്കിലും നഷ്ടപ്പെടുകയോ, കളവ് പോകുകയോ ചെയ്താലും ഭഗവതിക്ക് കൊട്ടിച്ചിരി വഴിപാട് നടത്തിയിരുന്നു. ഇത് വീട്ടില്‍ വച്ചാണ് നടത്തുക. വിളക്ക് വച്ച് കിണ്ണത്തില്‍ ഗുരുതി കൂട്ടി വീട്ടിലെ എല്ലാവരുംകൂടി കൈകൊട്ടിച്ചിരിച്ച് പ്രാ൪ത്ഥിക്കുന്നു. പ്രാ൪ത്ഥനാ പണം യഥാശക്തി ഉഴിഞ്ഞു വയ്ക്കുന്നു. കാര്യസാദ്ധ്യം നടന്നാല്‍ വഴിപാട് സംഖ്യ ക്ഷേത്രത്തില്‍ എത്തിക്കുന്നു. ഇങ്ങനെ ഭക്തിപൂര്‍വ്വം ചെയ്യുന്നവര്‍ക്ക് ഫലം ഉറപ്പാണ്. ക്ഷിപ്രകോപിയും ക്ഷിപ്രപ്രസാദിനിയുമാണ് കീഴ്കാവിലമ്മ. പണ്ട് കാലത്ത് അന്തര്‍ജ്ജനങ്ങള്‍ ഭഗവതിയെ വീട്ട് പടിക്കല്‍വച്ച് കൈകൊട്ടിച്ചിരിച്ച് പ്രാ൪ത്ഥിച്ചിരുന്നു എന്ന് ഐതീഹ്യം. അതുപോലെ കോടതികളില്‍ തീര്‍പ്പാക്കാത്ത കേസുകളില്‍ ക്ഷേത്രനടയില്‍ വച്ച് സത്യം ചെയ്യിച്ച് തീര്‍പ്പാക്കിയുരുന്നു. ഈ ക്ഷേത്രസന്നിധിയില്‍ വന്ന് കളവ് പറയാന്‍ ആരും ധൈര്യപ്പെട്ടിരുന്നില്ലത്രേ. കീഴ്ക്കാവില്‍ ഭദ്രകാളിയെ കൂടാതെ ഖണ്ഡാകര്‍ണ്ണനും പാലമരച്ചുവട്ടില്‍ ഭൂതഗണങ്ങളുമുണ്ട്. സര്‍വ്വഐശ്വര്യത്തിനായി പൂമൂടലും, ശത്രുദോഷത്തിന് ഗുരുതിയും, ചുറ്റവിളക്കും തൃകാലപൂജയുമാണ് മറ്റ് പ്രധാന വഴിപാടുകള്‍.