രോഗി മരിക്കുമോ?

ഈ വിധ ചോദ്യങ്ങള്‍ അതാതു സമയത്തെ ഉദയലഗ്നം കൊണ്ടും ആരൂഢം കൊണ്ടും ചിന്തിക്കണം.

1). പാപഗ്രഹം ലഗ്നത്തിലോ എട്ടാം ഭാവത്തിലോ നിന്ന് ചന്ദ്രന്‍ നില്‍ക്കുന്ന രാശിയെ നോക്കുകയും (ദൃഷ്ടി) ചെയ്‌താല്‍ രോഗി മരിക്കും. (രോഗിക്ക് മരണം സംഭവിക്കും).

2). ലഗ്നം പ്രുഷ്ഠോദയരാശിയാവുകയും, പാപഗ്രഹങ്ങള്‍ കേന്ദ്രരാശിയിലും ചന്ദ്രന്‍ എട്ടാം ഭാവത്തില്‍ നില്‍ക്കുകയും, ബലവാന്മാരായ പാപഗ്രഹങ്ങള്‍ ലഗ്നത്തെയോ ചന്ദ്രനെയോ ദൃഷ്ടിചെയ്യുകയും ചെയ്‌താല്‍ രോഗി മരിക്കും. (രോഗിക്ക് മരണം സംഭവിക്കും).

3). ശനി ആറാം ഭാവത്തിലോ എട്ടാം ഭാവത്തിലോ പാപഗ്രഹദൃഷ്ടിയോടുകൂടി നില്‍ക്കുകയും ആ ശനിയ്ക്ക് ശുഭഗ്രഹങ്ങളുടെ ദൃഷ്ടി ഇല്ലാതെയും വന്നാല്‍ രോഗിക്ക് മരണം സംഭവിക്കും.

4). ശനി ആറാം ഭാവത്തിലോ എട്ടാം ഭാവത്തിലോ പാപഗ്രഹദൃഷ്ടിയോടുകൂടി നില്‍ക്കുകയും ആ ശനിയോടൊപ്പം ശുഭഗ്രഹങ്ങള്‍ ഒരുമിച്ചുനില്‍ക്കാതെയും വന്നാല്‍ രോഗിക്ക് മരണം സംഭവിക്കും.

5). ശനി പാപഗ്രഹങ്ങളോടുകൂടി ആറാം ഭാവത്തിലോ എട്ടാം ഭാവത്തിലോ ഒരുമിച്ചു നില്‍ക്കുകയും ആ ശനിയ്ക്ക് ശുഭഗ്രഹങ്ങളുടെ ദൃഷ്ടി ഇല്ലാതെയും വന്നാല്‍ രോഗിക്ക് മരണം സംഭവിക്കും.

6). ശനി പാപഗ്രഹങ്ങളോടുകൂടി ആറാം ഭാവത്തിലോ എട്ടാം ഭാവത്തിലോ ഒരുമിച്ചു നില്‍ക്കുകയും ആ ശനിയോടൊപ്പം ശുഭഗ്രഹങ്ങള്‍ ഒരുമിച്ചുനില്‍ക്കാതെയും വന്നാല്‍ രോഗിക്ക് മരണം സംഭവിക്കും.

****************************************

രോഗപ്രശ്നത്തില്‍ ലഗ്നംകൊണ്ട് വൈദ്യരേയും (Doctor), നാലാം ഭാവംകൊണ്ട് മരുന്നിനെയും (Medicine), ഏഴാം ഭാവംകൊണ്ട് രോഗത്തേയും,  പത്താം ഭാവംകൊണ്ട് രോഗിയേയും പറയണം.

പ്രാര്‍ത്ഥിക്കുന്നവര്‍ക്ക് ഫലം എങ്ങനെ വരുന്നു

ഭഗവാനെ എപ്പോഴും പ്രാര്‍ത്ഥിക്കുന്നവര്‍ക്കും ഭഗവത് ദര്‍ശ്ശനം നടത്തുന്നവരിലും പാപത്വം നശിച്ച് പോകുന്നു. ആത്മാര്‍ത്ഥമായ ഈശ്വരവിചാരം ഒരാളെ ശുദ്ധനാക്കുന്നതാണ്. അയാളില്‍ ശുദ്ധരക്തപ്രവാഹം വര്‍ദ്ധിയ്ക്കുന്നു. തന്‍റെ മനസ്സും ചിന്തയും ഒരേ ലകഷ്യത്തിലേയ്ക്ക് സമര്‍പ്പിച്ചുകൊണ്ട് ദേവസന്നിധിയില്‍ നില്‍ക്കുമ്പോള്‍ താന്‍ തന്നെ ദേവനാകുമ്പോള്‍ നമ്മില്‍ നിന്നും പ്രസരിക്കുന്ന ശക്തിവിശേഷം ആഗ്രഹ നിവര്‍ത്തിയ്ക്ക് പാകമാകുന്നതാണ്. ആ സമയം ഒരാളുടെ ചിന്തയും വിചാരങ്ങളും ആവശ്യങ്ങളും സാധിതമാക്കുവാന്‍ അതാതു  ലകഷ്യങ്ങളിലെയ്ക്ക് നമ്മിലെ ചൈതന്യം ചെന്നെത്തുന്നതായിരിക്കും. അപ്പോള്‍ ശത്രുവിനെ നശിപ്പിക്കാം മറ്റുള്ളവരുടെ സ്നേഹം സമ്പാദിക്കാം. വിചാരിയ്ക്കുന്ന കാര്യങ്ങള്‍ സാധിചെടുക്കാം, ശപിയ്ക്കാം. എല്ലാം നമ്മുടെ മനസ്സുകൊണ്ട് നേടിയെടുക്കാവുന്നതായിരിക്കും.

മഹര്‍ഷീശ്വരന്മാര്‍ അനുഗ്രഹിക്കുമ്പോഴും ശപിക്കുമ്പോഴും ഉടനെ ഫലം ഭവിയ്ക്കുന്നു. കാരണം അവരുടെ തപസ്സും ധ്യാനവും കൊണ്ട് അവരിലുറപ്പിച്ച ഈശ്വരനെ തങ്ങളുടെ ശക്തിയാക്കിയിരിക്കുക്കയാണ് അവര്‍. അഭീഷ്ടസാദ്ധ്യതയുള്ള അനുഗ്രഹകലകള്‍ ഭക്തന്‍റെ ആഗ്രഹത്തിനനുസരിച്ച് ഭക്തനില്‍നിന്നു പ്രസരിക്കുന്നത് അടിയുറച്ച ഈശ്വരബന്ധംകൊണ്ടാകുന്നു.

വ്യാഴാഴ്ച വ്രതനാളില്‍ സ്ത്രീകള്‍ തല നനയ്ക്കാതെ കുളിക്കണം

  ബൃഹസ്പതി പൂജയ്ക്കായി വ്രതമനുഷ്ടിക്കുന്ന വ്യാഴാഴ്ച ദിവസം സ്ത്രീകള്‍ തല നനയ്ക്കാതെ കുളിച്ച് കദളിവാഴയെ പൂജിക്കണമെന്ന് ഭാരതീയ അനുഷ്ടാന സംസ്ക്കാരസംഹിത വെളിപ്പെടുത്തുന്നു. വ്യാഴാഴ്ച ദിവസങ്ങളില്‍ പുരുഷന്മാര്‍ ക്ഷൌരം ചെയ്യാനും പാടില്ലത്രെ. മഞ്ഞപ്പൂക്കള്‍, മഞ്ഞപ്പഴങ്ങള്‍, മഞ്ഞപ്പരിപ്പ്, കളഭം എന്നിവ കൊണ്ട് അര്‍പ്പിക്കുന്ന വ്യാഴാഴ്ച ദിവസത്തില്‍ മഞ്ഞപ്പട്ടാണ് ദാനം ചെയ്യുന്നത്. വിധിപ്രകാരം ശുദ്ധിവൃത്തിയോടുകൂടി വ്യാഴാഴ്ച വ്രതമനുഷ്ടിച്ചാല്‍ ശുഭഫലം ലഭിക്കുന്നതായിരിക്കും.