അധികം പരക്കാത്തതും വീർക്കാത്തതും ഇളംചുവപ്പു നിറത്തിൽ മിനുസമുള്ളതുമായ നഖങ്ങൾ ശുഭകരമാകുന്നു.
വീർത്തതും ചുവന്നതുമായ നഖങ്ങളുള്ളവൻ അധികാരമുള്ള ഉദ്യോഗസ്ഥനാകുന്നു.
പരന്നതും ചുവന്നതുമായ നഖങ്ങൾ ധനപ്രമത്തതയുടേയും അധികാരക്കൊതിയുടേയും അടയാളമാകുന്നു.
വട്ടനഖമുള്ള പുരുഷൻ ജന്മനാ വ്യഭിചാരകനായിരിക്കും. അതായത് വ്യഭിചാരസന്താനമാണെന്നു ചുരുക്കം.
കറുപ്പുനിറത്തോടുകൂടി വട്ടനഖമുള്ള പുരുഷൻ കാമചാരിയും ധനദുർവിനിയോഗം ചെയ്യുന്നവനുമാകുന്നു.
അഗ്രം വീതികൂടിയും ചുവട് വീതികുറഞ്ഞതുമായ നഖമുള്ളവൻ ദുഷ്ടനും അവിവേകിയുമാകുന്നു.
മുക്കോണാകൃതിയിൽ നഖങ്ങളുള്ളവൻ അഹങ്കാരിയായിരിക്കും.
ഇരുണ്ട രേഖകളാലങ്കിതമായ നഖങ്ങളുള്ളവൻ ക്ഷയരോഗിയും ചിന്താകുലനുമാകുന്നു.
നഖങ്ങൾ വലതുവശത്തേക്കു ചരിഞ്ഞതാണെങ്കിൽ അവൻ കോപിഷ്ഠനായിരിക്കും.
നഖങ്ങൾ ഇടതുവശത്തേയ്ക്കു ചരിഞ്ഞതാണെങ്കിൽ ദരിദ്രനുമായിരിക്കും.
മാംസത്തിലേക്കു രണ്ടുഭാഗവും വളഞ്ഞു കയറി മദ്ധ്യം ഉയർന്നിരിക്കുന്ന നഖങ്ങൾ അഹങ്കാരിയായ പുരുഷനുണ്ടായിരിക്കും.
