സമക്ഷേത്രത്തിൽ നിൽക്കുന്ന ശുക്രന്റെ ദശാകാലം

സമർക്ഷഗസ്യാപി സിതസ്യ ദായേ

പ്രമേഹഗുന്മാക്ഷിഗുദപ്രരോഗഃ

കിഞ്ചിൽ സുഖം ഭൂപതിവഹ്നിചോരൈർ-

ഭയം സ്വനാമാങ്കിതഗദ്യപദ്യം.

സാരം :-

സമക്ഷേത്രത്തിൽ നിൽക്കുന്ന ശുക്രന്റെ ദശാകാലം അല്പമായ സുഖവും രാജപ്രകോപവും അഗ്നിയിൽ നിന്നും കള്ളന്മാരിൽ നിന്നും ഉപദ്രവവും പ്രമേഹം, ഗുന്മം, നേത്രരോഗം, അർശോരോഗം എന്നിവകളെക്കൊണ്ടു പീഡയും സ്വന്തംപേരിൽ ഉണ്ടാക്കിയ കവിതകൾക്ക് പ്രചാരം സിദ്ധിക്കുകയും ഫലമാകുന്നു.