ദൃക്സംസ്ഥാവസിതസിതൌ പരസ്പരാംശേ
ശൌക്രേ വാ യദി ഘടരാശിസംഭവോംശഃ
സ്ത്രീഭിഃ സ്ത്രീമദനവിഷാനലം പ്രദീപ്തം
സംശാന്തിം നയതി നരാകൃതിസ്ഥിതാഭിഃ
1). ശുക്രന്റെ നവാംശകം ശനിക്ഷേത്രത്തിലും ശനിയുടെ നവാംശകം ശുക്രക്ഷേത്രത്തിലും വരികയും ശുക്രമന്ദന്മാർ പരപരസപ്തമസ്ഥരാവുകയും ചെയ്ക; 2). ശുക്രമന്ദന്മാർ പരസ്പരസപ്തമസ്ഥരാവുക ഇടവം രാശിയോ തുലാം രാശിയോ ലഗ്നവും ലഗ്നത്തിനു കുംഭക്കാലംശകമാവുകയും ചെയ്ക; സ്ത്രീജാതകത്തിൽ മേൽക്കാണിച്ച യോഗങ്ങളിൽ ഒന്നുണ്ടായാൽ അവൾ പുരുഷവേഷധാരിണികളും ദ്വന്ദ്വധർമ്മത്തിങ്കൽ പുരുഷന്മാരെ അനുകരിയ്ക്കുവാൻ സാമർത്ഥ്യമുള്ളവരുമായ സ്ത്രീകളെക്കൊണ്ട്, വ്യാമോഹം, അസഹ്യമായ അന്തർദ്ദാഹം ഇത്യാദി കർത്തൃത്വം നിമിത്തം വിഷതുല്യവും അഗ്നിസമാനവുമായ കാമവികാരശക്തിയെ ശമിപ്പിയ്ക്കുന്നതുമാകുന്നു.
മേൽപ്പറഞ്ഞ യോഗങ്ങളിൽ ഒന്നുരണ്ടു പക്ഷാന്തരങ്ങളും കൂടിയുണ്ട്. അവ 1). ശനിശുക്രന്മാർ പരസ്പരക്ഷേത്രനവാംശകസ്ഥന്മാരും പരസ്പരസപ്തമസ്ഥന്മാരുമാവുക; 2). ഇടവം തുലാം ഇവയിലൊന്നു ലഗ്നവും ലഗ്നത്തിനു കുംഭക്കാലംശകമാവുക; ഇതാണ് ഒരു അഭിപ്രായം. ഇടവം തുലാം ഇവയിലൊന്നു ലഗ്നവും ലഗ്നത്തിനു കുംഭക്കാലംശകമാവുക; ശുക്രമന്ദന്മാർ പരസ്പരക്ഷേത്രാംശകസ്ഥന്മാരും പരസ്പരസപ്തമസ്ഥന്മാരായിരിയ്ക്കുകയും ചെയ്ക; ഇതാണ് മറ്റൊരു അഭിപ്രായം. മേൽക്കാണിച്ചതിൽ ഒന്നാമത്തേതു ഭട്ടോൽപ്പലം വിവരണം എന്നീ വ്യാഖ്യാതാക്കന്മാരുടേയും, രണ്ടാമത്തേത് സാരാവലിയിലേതുമാകയാൽ അവയും ത്യാജ്യങ്ങളെന്നും പറഞ്ഞുകൂടാത്തതുമാണ്.
