രണ്ടു വശങ്ങളിലും മാംസം തള്ളിനില്ക്കുന്നതും രോമാവൃതവുമായ കക്ഷങ്ങളുള്ള പുരുഷൻ ബലവാനും സ്നേഹസമ്പന്നനുമാകുന്നു.
കക്ഷം കുഴിവില്ലാതെയിരുന്നാലവൻ അതിബലവാനാകുന്നു.
മാംസം തള്ളിക്കാണാതെ കുഴിഞ്ഞിരിക്കുന്ന കക്ഷമുള്ള പുരുഷൻ ദരിദ്രനും കാമശീലനുമായിരിക്കും.
കക്ഷത്തിലെ വിയർപ്പിന് താമരപ്പൂവിന്റെയോ പനിനീരിന്റെയോ മണമുള്ളവൻ ഭാഗ്യവാനും ധനികനുമായിരിക്കും.
ഉപ്പിന്റെയോ ഗോമൂത്രത്തിന്റെയോ മണമാണ് കക്ഷത്തിലെ വിയർപ്പിനെങ്കിലവൻ ദരിദ്രനാകുന്നു.
എപ്പോഴും വിയർക്കുന്ന കക്ഷങ്ങളുള്ള പുരുഷൻ ചിന്താകുലനും വിവേകിയുമായിരിക്കും.
