മുട്ടുമുതൽ ക്രമമായി കൈപ്പത്തിവരെ വണ്ണം കുറഞ്ഞും ഉരുണ്ടും കട്ടിയുള്ള മാംസത്തോടുകൂടിയുമിരിക്കുന്ന കൈത്തണ്ടകളുള്ള പുരുഷൻ ബലവാനും സുഖിമാനുമാകുന്നു.
ഇത്തരം കൈത്തണ്ടകളിൽ ഞരമ്പുകളെഴുന്നു നിന്നാൽ അവൻ തന്റേടിയും അദ്ധ്വാനശീലനുമായിരിക്കും.
പരന്ന കൈത്തണ്ടകളുള്ളവൻ വ്യഭിചാരകനും ധനികനുമായിരിക്കും.
കൈത്തണ്ടകളിൽ ചുരുണ്ട രോമാവലിയോടുകൂടിയവൻ കോപിഷ്ഠനും ധനികനുമാകുന്നു.
മേലോട്ടു തിരിഞ്ഞിരിക്കുന്ന രോമാവലിയോടുകൂടിയ കൈത്തണ്ടകളുള്ളവൻ കപടബുദ്ധിമാനും മടിയനുമാകുന്നു.
കൈത്തണ്ടകളിൽ ചെമ്പിച്ച രോമങ്ങളാണുള്ളതെങ്കിലവൻ ദരിദ്രനാകുന്നു.
