ഖഗസ്യ ശുക്രസ്യ ദശാവിപാകേ
ദിഗന്തവിശ്രാന്തയശഃപ്രതാപം
വിദ്യാർത്ഥഭാഗ്യം പൃഥിവീശപൂജാം
സിദ്ധിം ക്രിയായാഃ കൃഷികർമ്മസൗഖ്യം.
സാരം :-
പത്താം ഭാവത്തിൽ നിൽക്കുന്ന ശുക്രന്റെ ദശാകാലം ഭൂമണ്ഡലം മുഴുവൻ വ്യാപിക്കപ്പെട്ട കീർത്തിയും പ്രതാപവും ലഭിക്കും. വിദ്യ, ധനം, ഭാഗ്യം, എന്നിവ വളരെ വർദ്ധിക്കും. രാജാക്കന്മാരിൽ നിന്നു വലിയ സൽക്കാരങ്ങൾ സിദ്ധിക്കും. എല്ലാ പ്രവൃത്തികളിലും ഫലവും ജയവും കൃഷികാര്യങ്ങളിൽ വൈദഗ്ദ്ധ്യവും സുഖവും ഉണ്ടാകും.
