ഈ വിധ ചോദ്യങ്ങള്‍ അതാതു സമയത്തെ ഉദയലഗ്നം കൊണ്ടും ആരൂഢം കൊണ്ടും ചിന്തിക്കണം.
മോഷണപ്രശ്നങ്ങളില്‍ ലഗ്നനവാംശരാശിയുടെ അധിപനായ ഗ്രഹത്തെ കൊണ്ട് മോഷ്ടാവിന്‍റെ (കള്ളന്‍റെ) പ്രായം (വയസ്സ്) മനസ്സിലാക്കണം.
ലഗ്നനവാംശരാശിയുടെ അധിപനായ ഗ്രഹം താഴെ പറയുന്നവയാണെങ്കില്‍
ചന്ദ്രനെ കൊണ്ട് മുലകുടിക്കുന്ന ശിശുവിനെ പറയണം.
ചൊവ്വയെ കൊണ്ട് ബാലന്‍ (കുട്ടിയെ) പറയണം.
ബുധനെ കൊണ്ട് വിദ്യാ൪ത്ഥിയെ പറയണം.
ശുക്രനെ കൊണ്ട് യുവാവിനെ പറയണം.
വ്യാഴത്തെ കൊണ്ട് മദ്ധ്യവയസ്ക്കനെ പറയണം
സൂര്യനെ കൊണ്ട് വൃദ്ധനെ പറയണം.
ശനിയെ കൊണ്ട് അതിവൃദ്ധനെ പറയണം.
മേല്‍ പറഞ്ഞവരുടെ ഏകദേശ വയസ്സ് താഴെ പറയുന്ന പ്രകാരം പറയണം.
ചന്ദ്രന് 4 വയസ്സിനു താഴെ
ചൊവ്വയ്ക്ക്‌ 4 മുതല്‍ 8 വയസ്സ് വരെ
ബുധന് 8 മുതല്‍ 16 വയസ്സ് വരെ
ശുക്രന് 16 മുതല്‍ 30 വയസ്സ് വരെ
വ്യാഴത്തിന് 30 മുതല്‍ 50 വയസ്സ് വരെ
സൂര്യന് 50 മുതല്‍ 70 വയസ്സ് വരെ
ശനിയ്ക്ക് 70 വയസ്സിന് മുകളില്‍
