ഈ വിധ ചോദ്യങ്ങള്‍ അതാതു സമയത്തെ ഉദയലഗ്നം കൊണ്ടും ആരൂഢം കൊണ്ടും ചിന്തിക്കണം.
1). രോഗപ്രശ്നത്തില്‍ ചന്ദ്രന്‍ മൂന്നാം ഭാവത്തിലോ, ആറാം ഭാവത്തിലോ, പത്താം ഭാവത്തിലോ, പതിനൊന്നാം ഭാവത്തിലോ നില്‍ക്കുകയും ബുധന്‍, വ്യാഴം, ശുക്രന്‍ എന്നീ ഗ്രഹങ്ങള്‍ കേന്ദ്രരാശികളിലോ ത്രികോണരാശികളിലോ എട്ടാം ഭാവത്തിലോ നില്‍ക്കുകയും ലഗ്നത്തിന് ശുഭഗ്രഹദൃഷ്ടിയുണ്ടാവുകയും ചെയ്‌താല്‍ രോഗി സുഖം പ്രാപക്കും.
2). രോഗപ്രശ്നത്തില്‍ ലഗ്നത്തില്‍ നില്‍ക്കുന്ന പൂ൪ണ്ണ ചന്ദ്രനെ വ്യാഴം ദൃഷ്ടി ചെയ്‌താല്‍ രോഗി ക്ലേശിക്കുന്നവനായാലും രോഗമുക്തി അനുഭവപ്പെടും.
3). രോഗപ്രശ്നത്തില്‍ ലഗ്നത്തില്‍ ചന്ദ്രനും കേന്ദ്രരാശികളില്‍ വ്യാഴവും ശുക്രനും നില്‍ക്കുകയും ചെയ്‌താല്‍ രോഗി ക്ലേശിക്കുന്നവനായാലും രോഗമുക്തി അനുഭവപ്പെടും.
