ബാധാ പ്രേതോത്ഭവാ സ്യാല്‍ സ്ഥിതവതി ഗുളികേ
ബാധകേƒനിഷ്ടഭേ വാ
തത്രാരര്‍ക്ഷാംശസംസ്ഥോ യദികുജസഹിതോ
മാന്ദിരാരേക്ഷിതോ വാ
പ്രേതഃസ്യാദഗ്നിശസ്ത്രപ്രഭൃതികൃതമൃതി-
ര്‍മ്മന്ദസംബന്ധ ഏവം
മാന്ദേശ്ചേല്‍ പ്രേത ഏഷ സ്വവിരഹിതതയാ
ദുഃഖിതസ്സന്‍ പരേതഃ
സാരം :-
ഗുളികന് ബാധാരാശിയിലോ അനിഷ്ടഭാവങ്ങളിലോ നിന്നാല്‍ പ്രേതകോപമുണ്ടെന്നു പറയണം. ഈ ഗുളികന് ചൊവ്വയോടുകൂടുകയോ ചൊവ്വയുടെ ദൃഷ്ടിയില്‍ നില്‍ക്കുകയോ ചെയ്‌താല്‍ കോപിച്ചിരിക്കുന്ന പ്രേതം അഗ്നി നിമിത്തമോ ആയുധംകൊണ്ടോ ചൊവ്വയുടെ കാരകത്വമനുസരിച്ച് ജ്വരവ്രണാദികളായ രോഗങ്ങളെകൊണ്ടോ മൃതി സംഭവിച്ചതാണെന്ന് പറയണം. ഈ ഗുളികന് ശനിയുടെ ക്ഷേത്രത്തില്‍ നില്‍ക്കുകയോ അംശകിക്കുകയോ ഗുളികന് ശനിയുടെ യോഗദൃഷ്ടി വരികയോ ചെയ്‌താല്‍ സ്വജനങ്ങളുടെ വിരഹം ഹേതുവായിട്ടു വളരെ ദുഃഖത്തോടുകൂടി മരിച്ചിരിക്കുന്നു എന്ന് പറയണം.
