ദഗ്ദ്ധേ ശകടേ സശല്മലൌ
ലോഹാന്യാഹരതേംഗനാ വനേ
മലിനേന പടേന സംവൃതാ
ഭാണ്ഡൈർമ്മൂർദ്ധഗതൈശ്ച മദ്ധ്യമഃ
സാരം :-
കുംഭം രാശിയുടെ മദ്ധ്യദ്രേക്കാണം മുഷിഞ്ഞവസ്ത്രംകൊണ്ടു ദേഹം മറച്ച് അനവധി പാത്രങ്ങളുള്ള ഒരു കെട്ടും തലയിലേറ്റിയ ഒരു സ്ത്രീ രൂപമാകുന്നു. ഇവൾ അനവധി പൂളമരങ്ങളുള്ള കാട്ടിൽ നടന്നു ഇരുമ്പിൻ കഷ്ണങ്ങളെ പെറുക്കി അവ ഏതാനും ഭാഗം തീക്കത്തി നശിച്ചുപോയ വണ്ടിയിൽ നിറച്ചുശേഖരിയ്ക്കുന്നതുമുണ്ട്. ഇതു സ്ത്രീ ദ്രേക്കാണവും അഗ്നിസഹിതദ്രേക്കാണവും ആരണ്യകവുമാണ്.
